"अंबानी आहेस की भिकारी", नीता आणि मुकेश अंबानी यांच्या मुलांना का चिडवायची शाळेतील मुलं?

अनंत अंबानी हे मुकेश अंबानी आणि नीता अंबानी यांचा धाकटा मुलगा. आज त्यांचा 29 वा वाढदिवस साजरा करत आहेत. अनंत अंबानी यांचे लग्न राधिका मर्चंटसोबत होणार आहे. काही दिवसांपूर्वीच जामनगरमध्ये हा सोहळा पार पडला. अनंत अंबानी कायमच आपल्या खासगी आयुष्यामुळे चर्चेत राहिले. कधी लग्न तर कधी त्यांच वाढतं वजन हे कारण होतं. अनंत अंबानी यांच्या शाळेतील आठवणीतील एक किस्सा खूप चर्चेत आहे. तो किस्सा म्हणून अनंत अंबानी यांना मिळणारा पॉकेटमनी.

नीता अंबानी यांनी एका मुलाखतीत सांगितलं होतं की,  जेव्हा त्यांची मुले लहान होती, तेव्हा त्या त्यांना दर शुक्रवारी शाळेच्या कॅन्टीनसाठी 5 रुपये देत असत. एके दिवशी त्यांचा धाकटा मुलगा अनंत त्यांच्या खोलीत आला आणि त्याच्याकडे 5 रुपयांऐवजी 10 रुपये मागितले. नीताने जेव्हा त्याला विचारले तेव्हा तो म्हणाला की, शाळेतील सर्व मुले त्याच्यावर हसतात. जेव्हा तो खिशातून पाच रुपयांचे नाणे काढतो तेव्हा 'तू अंबानी आहेस की भिकारी' असे म्हणतो.

नीता यांनी सांगितले की, त्यांनी आणि पती मुकेश अंबानीयांनी मुलांना कॉलेजच्या सहलीसाठी सार्वजनिक वाहतुकीचा वापर करायला लावत असे. यावरून तुम्हाला कळेल की, एवढ्या श्रीमंत कुटुंबातून येऊनही नीता यांनी आपल्या मुलांना कधीही पैशाची चटक लागू दिली नाही आणि आपल्या मुलांनी पैसे हाताळायला शिकावेत यासाठी नेहमीच प्रयत्न केले.

मुलाखतीत ईशा अंबानी म्हणाली होती की, तिची आई नीता अंबानी यांना सुरुवातीला पूर्णवेळ आई व्हायचे होते आणि जेव्हा ती आणि आकाश पाच वर्षांचे झाले तेव्हा त्यांनी काम करायला सुरुवात केली पण ती अजूनही वाघाची आई आहे. . ईशा म्हणाली, 'मला आठवते की जेव्हा जेव्हा माझी आणि आईमध्ये भांडण व्हायचे तेव्हा ते सोडवण्यासाठी आम्ही वडिलांना फोन करायचो. माझी आई खूप कडक होती. जर आम्हाला शाळा बंक करायची असेल तर वडिलांनी हो म्हटले असते, पण आई खात्री करून घेते की आम्ही आमचे जेवण वेळेवर केले, खूप अभ्यास केला आणि खेळला.

आपला मुलगा अनंतला वजन कमी करण्यास प्रवृत्त करण्यासाठी नीता यांनी  स्वतः त्यांच्यासोबत डाएट फॉलो केलं. 2017 मध्ये दिलेल्या मुलाखतीत नीता अंबानी म्हणाल्या होत्या की, 'मुले ते करतात जे त्यांची आई करते आणि मी स्वतः चमचमीत खाऊन मुलाने डाएट फॉलो करणं हे मनाला न पटणारं होतं. त्यामुळे मीही अनंतसोबत डाएटिंग करायला सुरुवात केली आणि आम्हा दोघांचे वजन कमी झाले, असं नीता अंबानी यांनी सांगितलं