Atul Subhash : कोण आहेत निकिता सिंघानिया? गेल्या 5 वर्षात असं काय घडलं की अतुल सुभाषने केली आत्महत्या? वाचा इनसाइड स्टोरी

Atul Subhash Case Justice For Atul Subhash Trending : बेंगळुरूमधील एका खाजगी कंपनीत एआय अभियंता अतुल सुभाषच्या आत्महत्येच्या घटनेने देशभरात संतापाची लाट पसरलीय. व्यावसायिकांचे व्यासपीठ म्हणून ओळखल्या जाणाऱ्या लिंक्डइनवर अनेक कष्टकरी लोक अतुल सुभाषला न्याय देण्याची मागणी करत आहेत. पोलिसांनी सांगितलंय की, मयत अतुलने आत्महत्येपूर्वी लिहिलेली 24 पानांची चिठ्ठी लिहिलंय. यामध्ये अतुलने पत्नी आणि तिच्या नातेवाईकांच्या छळाला कंटाळून आपण स्वत:ला संपवत आहोत, असं म्हटलंय. त्यामुळे याला जबाबदार असणाऱ्यांवर कारवाई करण्याची मागणीही सोशल मीडियावरुन करण्यात येत आहे. आत्महत्येपूर्वी अतुल सुभाषने 24 पानांची चिठ्ठी तर लिहिलंच आहे शिवाय त्याने 90 मिनिटांचा व्हिडीओ सोशल मीडियावर शेअर केला होता. ज्यामध्ये त्याने पत्नी आणि तिच्या कुटुंबीयांवर तिचा छळ करत तिला खोट्या प्रकरणात अडकवल्याचा आरोप केलाय. याशिवाय अतुल सुभाष यांनी पत्नीवर 3 कोटींची मागणी केल्याचा आरोपही केलाय. 

सोशल मीडियावर मंगळवारी सायंकाळी निकिता सिंघानिया नावाच्या महिलेच्या नावाने युजर्सनी आपला संताप व्यक्त करण्यात येतोय. एक्स प्लॅटफॉर्मवर (आधीचे ट्वीटर ) हॅश टॅग #NikitaSinghania नावाने ट्रेंड सुरु असून युजर्सच्या कमेंटमध्ये संताप व्यक्त केलाय. लोक या महिलेला ट्रोल करत आहेत. अखेर कोण आहेत या निकीता सिंघानिया ज्यांना एवढे ट्रोल केलं जातंय.

अतुल-निकिताची भेट कशी झाली?

अतुल आणि निकिता 2019 मध्ये एका मॅट्रिमोनियल साइटद्वारे भेटले आणि त्यानंतर दोघेही प्रेमात पडले. त्यांनी 26 जून 2019 रोजी वाराणसीतील एका हॉटेलमध्ये लग्न केलं. लग्नानंतर ती पतीसोबत बंगळुरूला गेली. लग्नानंतर त्यांच्यात सर्व काही सुरळीत सुरु होतं असं म्हटलं जातं. मात्र मूल झाल्यानंतर त्यांच्यात भांडणे वाढली. भांडणामुळे निकिता मुलगा व्योमसोबत जौनपूर येथे आई-वडिलांच्या घरी आली.  

17 मे 2021 रोजी तिला मारहाण करून घरातून हाकलून देण्यात आलं असं तिने सगळ्यांना सांगितलं. लग्नाच्या अवघ्या दोन वर्षांनंतर निकिताने अतुल आणि त्याच्या कुटुंबावर हुंड्यासाठी छळ करण्यापर्यंतसह विविध 9 गुन्हे दाखल केले. 6 कनिष्ठ न्यायालयात आणि तीन उच्च न्यायालयात. सुभाषने आपल्या 24 पानांच्या सुसाइड नोटमध्ये नमूद केले आहे की, जेव्हा त्यांच्या पत्नीने त्यांच्याविरुद्ध हुंड्याचा खटला दाखल केला तेव्हा त्यांच्या संपूर्ण कुटुंबाला जौनपूर न्यायालयात सुमारे 120 वेळा हजर व्हावे लागले. अतुल म्हणाले की, ज्या व्यक्तीला एका वर्षात केवळ 23 पाने मिळतात, त्याला 40 वेळा न्यायालयात हजर राहावे लागते. अतुल म्हणाले की, ज्या व्यक्तीला एका वर्षात केवळ 23 पाने मिळतात, त्याला 40 वेळा न्यायालयात हजर राहावे लागते. 

निकिता सिंघानियाने अतुल सुभाष मोदी विरोधात दिवाणी न्यायालयात मेन्टेनन्स केस दाखल केली होती.  लग्नानंतर सासरचे लोक तिला 10 लाख रुपयांच्या हुंड्याची मागणी करून त्रास देत होते. या धक्क्याने वडिलांचा मृत्यू झाला. कुटुंबीयांची समजूत घातल्यानंतर विरोधक त्यांना बंगळुरूला घेऊन गेले. 20 फेब्रुवारी 2020 रोजी तिने विरोधकांकडून मुलाला जन्म दिला, मात्र विरोधकांकडून छळ सुरूच होता, असा दावा निकिताने केलाय. 

कोण आहेत निकिता सिंघानिया?

निकिताने स्वत:साठी आणि मुलासाठी 2 लाख रुपये भरण्याची मागणी केली. निकिता सिंघानिया ही सुप्रसिद्ध कंपनी Accenture मध्ये काम करत असल्याचे अनेक लिंक्डइन प्रोफाइलवर नमूद करण्यात आलंय. तिला नोकरीतून 78,245रुपये पगार मिळत होता, असा दावा मीडिया रिपोर्टमध्ये करण्यात आलाय. ती अतुल सुभाषकडून दरमहा 40 हजार रुपये देखभाल भत्ता घेत होती, असा आरोप आहे. त्यानंतर तिला त्याच्याकडून आणखी दोन ते चार लाख रुपये हवे होते. अशा प्रकारे तिला अतुलकडून एकूण तीन कोटी रुपये घ्यायचे होते.

This was Atul Subhash

He left for Shiva’s abode

Watch it and marry carefully

ॐ शांति
pic.twitter.com/uKKgev85ej

— Kreately.in (@KreatelyMedia) December 10, 2024

अतुल सुभाष कुठला होता?

अनेक मीडिया रिपोर्ट्समध्ये अतुल सुभाष मूळचा बिहारचा असल्याच सांगण्यात आलंय. त्यांचं वय 34 वर्षे होते. सध्या तो मराठाहल्ली, बेंगळुरू येथे राहत होता. अतुल सुभाष हे महिंद्रा अँड महिंद्रा कंपनीत आर्टिफिशियल इंटेलिजन्स (AI) मध्ये DGM म्हणून कार्यरत होते. ते AI आणि ML मध्ये तज्ज्ञ होता. सोशल मीडियावरील अनेक पोस्टमध्ये अतुल सुभाष यांच्या पत्नीचं नाव निकिता सिंघानिया असे नमूद करण्यात आलंय.  त्याच्याकडे तीन कोटी रुपयांच्या पोटगीची मागणी केली. दोन वर्षांत तो 120 वेळा कोर्टात हजर झालाय. 29 जुलै 2024 रोजी न्यायालयाने पत्नीचा अर्ज फेटाळून लावत विरोधी पती अतुलला मुलाचे बहुमत होईपर्यंत दरमहा 40 हजार रुपये भरपाई देण्याचे आदेश दिले. याशिवाय हुंडाबळीच्या छळ प्रकरणात अतुलला कोर्टातून जामीनही मिळाला होता.

कोण आहेत रीटा कौशिक?

आत्महत्येपूर्वी रेकॉर्ड केलेल्या व्हिडीओमध्ये अतुलने अजूवन निकिताशिवाय अजून एका महिलेचे नाव घेतलंय. त्या म्हणजे कौटुंबिक न्यायालयाच्या न्यायाधीश रीटा कौशिक यांचा उल्लेख आहे. त्यांनी न्यायाधीशांवर लाच मागितल्याचा आरोप केलाय. रीता कौशिक या जौनपूर इथल्या कौटुंबिक न्यायालयाच्या प्रधान न्यायाधीश आहेत. त्यांचा जन्म 1 जुलै 1968 रोजी झाला असून 20 मार्च 1996 रोजी मुन्सिफ म्हणून त्यांची न्यायालयीन कारकीर्द सुरू झाली. 2018 मध्ये त्या प्रथमच अयोध्या कौटुंबिक न्यायालयाच्या प्रधान न्यायाधीश बनल्या. त्यानंतर 2022 पर्यंत अयोध्येत राहिल्यानंतर त्या जौनपूरला आल्या. अतुलने सुसाईड नोटमध्ये लिहिलंय की, निकिता म्हणाली, 'तू आत्महत्या का करत नाहीस?' हे ऐकून न्यायाधीश कौशिक हसायला लागल्या. चिठ्ठीनुसार, सुभाष म्हणाला होता की, 'मॅम, तुम्ही एनसीआरबीचा डेटा पाहिला तर खोट्या केसेसमुळे लाखो लोक आत्महत्या करत आहेत.'

Shame on you, Idiot @Akshita_N

Atul Shubhash, a 34-yo Technie died by suicide after his wife, #NikitaSinghania slapped 9-false cases, sought ₹3-cr alimony.

Atul Subhash's father telling about what his son going through. "LAW System" #AtulSubhash #JusticeForAtulSubhash pic.twitter.com/ZR4btFjZpF

— sumit  (@sumityou40) December 11, 2024

निकिता आणि रीटा सोशल मीडियावर होतायेत ट्रोल!

अतुल सुभाषसारख्या तरुणाच्या आत्महत्येने सर्वांनाच धक्का बसला आहे. याबाबत अनेक व्यावसायिक लिंक्डइनवर अतुलच्या समर्थनार्थ पोस्ट करत आहेत. LinkedIn वर, वापरकर्ते #MensMentalHealth, #SupportEachOther, #JusticeForAtul, #EmpathyForAll आणि #RIP सारख्या हॅशटॅगद्वारे अतुल सुभाषला न्याय देण्याची मागणी करत आहेत. याशिवाय सोशल मीडिया प्लॅटफॉर्म X वर विविध प्रकारच्या पोस्टही व्हायरल होत आहेत ज्यामध्ये वापरकर्ते अतुल सुभाषला न्याय देण्याची मागणी करत आहेत.