बँक खात्याच्या KYC मध्ये तुम्ही 'ही' चूक तर केली नाही ना? RBIकडून महत्वाची माहिती

मुंबई : KYC म्हणजे 'नो युअर कस्टमर', याचा अर्थ असा की कोणतीही बँक किंवा संस्था त्यांच्या ग्राहकांना त्यांच्या आर्थिक व्यवहारांसाठी जाणून घेऊ इच्छितात. हे जाणून घेण्यासाठी ग्राहकांकडून ते काही कागदपत्रे गेतात, ज्याला केवायसी दस्तऐवज म्हणतात. आजकाल केवायसीचेही अनेक प्रकार आहेत. पूर्ण केवायसी, हाफ केवायसी, ई केवायसी आणि व्हिडीओ केवायसी. यामध्ये सर्वात प्रभावी म्हणजे पूर्ण केवायसी आहे, ज्यामुळे बँक डोळेबंद ठेवून ग्राहकांना अनेक सुविधा देते.

त्याचप्रमाणे हाफ केवायसी देखील केली जाते. नावाप्रमाणेच, या केवायसीअंतर्गत हाफ-पूर्ण सुविधा उपलब्ध आहेत. पूर्ण केवायसीमध्ये अ‍ॅड्रेस प्रूफ आणि ग्राहकाची ओळख याची भौतिक पडताळणी असते. त्याच्या सूचना रिझर्व्ह बँकेकडून प्राप्त होतात. ड्रायव्हर लायसन्स, पासपोर्ट, पॅन कार्ड यासारख्या कामात पूर्ण केवायसी केली जाते

पूर्ण केवायसी करण्यासाठी, तुम्ही आधाराबरोबर किंवा आधाराशिवायही काम करू शकता. जर तुम्ही आधारद्वारे केवायसी करत असाल, तर बायोमेट्रिक पडताळणी करणे आवश्यक असेल. जर तुम्ही आधारशिवाय केवायसी करत असाल, तर तुम्हाला सर्व कागदपत्रे बँकेच्या शाखेत जमा करावी लागतील.

हाफ KYC

हाफ KYC याला मर्यादित केवायसी असेही म्हणतात. काही लोक याला किमान केवायसी असेही म्हणतात. यामध्ये, किमान तपशील किंवा कागदपत्रे दिलेली असल्याने आणि ती सुद्धा ऑनलाईन असल्याने, त्याचे नाव देखील ई-केवायसी आहे. ई-केवायसी किंवा किमान केवायसी दर्जा मिळवण्यासाठी तुम्हाला जास्त काही करण्याची गरज नाही. यामध्ये तुम्हाला तुमच्या स्वत: च्या इच्छेनुसार काही ओळखपत्र ऑनलाइन शेअर करावे लागतील. या कामात तुम्ही आधार क्रमांक किंवा पॅन कार्ड क्रमांकासह काम करू शकता.

या अंतर्गत वैध कागदपत्रांच्या पडताळणीसाठी OTP आधारित पडताळणी केली जाते. अर्ध्या केवायसीचे काही फायदे आणि काही तोटे देखील आहेत.

हाफ केवायसी स्टार्टर्स किंवा नवीन ग्राहकांना सहजतेने घेता येते. जर तुम्हाला झटपट बँक खाते उघडायचे असेल तर ई-केवायसी किंवा हाफ केवायसीने काम चालवू शकता. अर्ध्या केवायसीचा वापर ऑनलाईन बिल भरण्यासाठी किंवा वस्तूंच्या ऑनलाइन खरेदीसाठी केला जाऊ शकतो. हाफ केवायसीने उघडलेल्या खात्याच्या मदतीने तुम्ही व्हर्च्युअल कार्ड मिळवू शकता आणि त्याद्वारे ऑनलाइन खरेदी करू शकता.

हाफ केवायसीची व्याप्ती मर्यादित आहे आणि याचे आपल्याला काही नुकसान देखील सहन करावे लागेल. येथे गैरसोय म्हणजे पूर्ण केवायसीच्या तुलनेत यामध्ये चांगल्या सुविधा उपलब्ध नाहीत. ई-केवायसी किंवा हाफ केवायसीवर उघडलेल्या बँक खात्यात तुम्हाला 1 लाख रुपयांपेक्षा जास्त रक्कम ठेवता येणार नाही.

हाफ KYCने, बँक खाते वर्षभर चालवता येते.परंतु त्यानंतर तुम्हाला कोणत्याही परिस्थितीत पूर्ण केवायसी करावी लागेल. अर्ध्या KYC सह, आपण चेक किंवा रोख रक्कमेद्वारे निधी देऊ शकत नाही. अर्ध्या केवायसीमध्ये ग्राहकांना चेकबुकही दिले जात नाही.

केवायसीची ही सुविधा जानेवारी 2020 मध्ये सुरू करण्यात आली आहे. याअंतर्गत रिझर्व्ह बँकेने व्हिडीओ केवायसी करून खाते उघडण्याची परवानगी दिली आहे. व्हिडीओ केवायसी आणि पूर्ण केवायसी स्थितीत ठेवण्यात आली आहे.

कोरोनाच्या काळात, जेव्हा ग्राहक शाखेत जाऊ शकत नव्हते किंवा सध्या देखील काही भागात ग्राहक बँकेत जाऊ शकत नाही, अशा वेळी व्हिडीओद्वारे केवायसीद्वारे खाते उघडले जात आहे.

डिजिटल युगात ही पद्धत अत्यंत आधुनिक आणि अत्यंत प्रभावी मानली जात आहे. यासाठी तुमच्याकडे सुरक्षित इंटरनेट कनेक्टिव्हिटी आणि इंटरनेट कनेक्ट असलेला लॅपटॉप असावा. लॅपटॉपमध्ये स्थापित केलेला कॅमेरा व्हिडीओ केवायसी करतो.