नवीन वर्षात खिशाला भार; झोमॅटो, स्विगीवरून ऑर्डर करणे महागणार

मुंबई : Food : Goods and Services Tax : नव्या वर्षाच्या सुरुवातीपासून तुम्हाला ऑनलाईन ऑर्डर करणे आता महाग पडणार आहे. (Online Food Order) झोमॅटो, स्विगीवरून जेवण मागवणे महागणार आहे. त्यामुळे ग्राहकांच्या खिशाला कात्री लागणार आहे. 1 जानेवारीपासून खाद्यपदार्थ ऑर्डर करण्यावर GST आकारण्यात येणार आहे. याचा झटका फूड डिलिव्हरी कंपन्यांच्या ग्राहकांना बसणार आहे. (Swiggy, Zomato to collect 5% GST from customers from January 1 - Know effect on food delivery cost)

नोकरीच्या ठिकाणी तसेच कंटाळा आला तर घरी ऑनलाईन फूड मागविले जाते. मात्र, झोमॅटो आणि स्विगीवरुन जेवण मागविणे महाग पडणार आहे. 1 जानेवारीपासून ग्राहकांकडून खाद्यपदार्थ ऑर्डर करण्यावर जीएसटी आकारण्यास या कंपन्या सुरुवात करणार आहेत. ( Goods and Services Tax (GST) 

केंद्र सरकारने झोमॅटो आणि स्विगी सारख्या खाद्यपदार्थ वितरित करणाऱ्या ई कॉमर्स ऑपरेटर्सवर 5 टक्के जीएसटी लावला आहे.  सध्या रेस्टॉरंट हा कर भरतात, मात्र नवीन नियमानुसार फूड डिलिव्हरी ई-कॉमर्स ऑपरेटर्स हा कर भरतील, असा नियम करण्यात आला आहे. 

फूड टेक कंपन्यामुळे सरकारचा मोठा कर तोटा होत आहे. हा तोटा सुमारे 2 हजार कोटींचा आहे. हा तोटा भरुन काढण्यासाठी आता जीएसटी आकारण्यात येणार आहे. दरम्यान, मात्र फूड डिलिव्हरी अॅप्स ग्राहकांकडून कोणत्या ना कोणत्या स्वरूपात हा कर वसूल करतील, अशी शक्यता आहे. त्यामुळे 1 जानेवारीपासून ऑनलाईन खाद्यपदार्थ ऑर्डर करणे महाग होण्याची शक्यता आहे.