45 हजार कोटींची संपत्ती, पण फोन नेहमी सायलेंट; कोण आहे नितीन कामथ, काय आहे कौटुंबिक पार्श्वभूमी
नितीन कामथ हे 'झिरोधा'चे सह-संस्थापक आणि CEO म्हणून भारतातील स्टॉक ब्रोकिंग क्षेत्रातील एक प्रमुख व्यक्तिमत्त्व बनले आहेत. 'झिरोधा' जे भारतातील सर्वात मोठ्या आणि लोकप्रिय डिस्काउंट ब्रोकिंग प्लॅटफॉर्म्सपैकी एक आहे, त्याची स्थापना नितीन आणि त्यांच्या भाऊ निखिल कामथ यांनी 2010 मध्ये केली. परंतु नितीन कामथ यांचा यशाचा प्रवास त्यांच्या साध्या कुटुंबीय जीवनाशी जोडलेला आहे.
)
नितीन कामथ यांचा जन्म कर्नाटकमधील बेंगळुरूमध्ये एका मध्यमवर्गीय कुटुंबात झाला. त्यांचे वडील यु. आर. कामथ हे कॅनरा बॅंकेचे अधिकारी होते आणि आई रेवथी कामथ या गृहिणी आहेत. त्यासोबत एक उत्तम विणा वादकही आहेत . शिक्षणाला महत्त्व असलेल्या या कुटुंबात नितीन आणि त्यांचा भाऊ यांना शालेय जीवनापासूनच शिस्त, मेहनत आणि यशाचे महत्त्व शिकवले गेले. कुटुंबातील सकारात्मक वातावरणामुळे नितीन यांना त्यांच्या भविष्यातील ध्येय ठरवण्यासाठी प्रेरणा मिळाली.
नितीन कामथ यांचे स्टॉक मार्केट आणि गुंतवणूक क्षेत्रातले आकर्षण कॉलेजच्या दिवसांमध्येच निर्माण झाले. त्यांना शेअर बाजारातील गुंतवणुकीत आणि स्टॉक ट्रेडिंगमध्ये आवड होती. त्यांच्या या आवडीमुळे पारंपरिक करिअरच्या मार्गाऐवजी त्यांनी उद्योजकतेकडे वळण्याचा निर्णय घेतला. 2010 मध्ये, त्यांनी त्यांचा भाऊ निखिल कामथ यांच्यासोबत 'झिरोधा' या कंपनीची स्थापना केली. सुरुवातीला छोट्या प्रमाणावर सुरू झालेली 'झिरोधा' आज भारतातील सर्वात मोठ्या स्टॉक ब्रोकिंग प्लॅटफॉर्म्सपैकी एक मानली जाते. 'झिरोधा' किरकोळ गुंतवणूकदारांना कमी शुल्कावर, पारदर्शकपणे आणि अत्याधुनिक तंत्रज्ञानासोबत ट्रेडिंगची सुविधा पुरवते.
नितीन कामथ यांचे कुटुंब त्यांच्या यशामध्ये महत्त्वपूर्ण भूमिका बजावते. निथिनची पत्नी, सिमा कामथ, झिरोधा कंपनीच्या HR विभागात काम करते. सिमा कामतला 2021 साली ब्रेस्ट कॅम्सर होता आणि त्यावर तिने मात करून आपल्या पतीच्या कामकाजात मदत करते. नितीन कामथ आणि सिमा कामथ यांना एक मुलगा देखील आहे. निखिल आणि नितीन यांचं उत्तम सहकार्य आणि एकमेकांवरील विश्वास झिरोधाच्या यशासाठी अत्यंत महत्त्वपूर्ण ठरली. त्यांचा एकत्रित दृष्टिकोन, नाविन्यपूर्ण कल्पना आणि ग्राहकांसाठी सुलभता या कारणांमुळे झिरोधा आपला व्यवसाय फुलवू शकला.
नितीन कामथ त्यांच्या वैयक्तिक आयुष्याबद्दल जास्त चर्चा करणे टाळतात आणि ते नेहमीच त्यांच्या व्यावसायिक कार्यावर लक्ष केंद्रित करतात. त्यांची प्रामाणिकता, साधेपणा आणि आपल्या कुटुंबीयांकडून मिळालेल्या मूल्यांना ते जपतात. झिरोधा सुरू करण्यापूर्वी, निथिनने इतर अनेक स्टार्टअप्समध्ये काम केले होते. या अनुभवांचा फायदा घेत त्यांनी शेवटी स्वतःच्या व्यवसायाची दिशा ठरवली आणि झिरोधा उभारण्याचा निर्णय घेतला.
नितीन कामथ यांचे कुटुंब, विशेष म्हणजे त्यांचे वडील आणि आई त्यांच्या शालेय आणि व्यावसायिक जीवनात नेहमीच त्यांना पाठिंबा देत होते. नितीन आणि त्याचे कुटुंबीय जीवनामध्ये साधेपणा आणि शिस्तीला महत्त्व देत, आज झेरोधाच्या माध्यमातून त्यांनी भारतातील लाखो गुंतवणूकदारांना एक नवीन दिशा दिली आहे. त्यांच्या यशाच्या पाठीमागे त्यांचे कुटुंबीय आणि त्यांच्या कुटुंबाने दिलेली शिकवण आहे.वन