आता फक्त 1400 रुपयांत मेट्रोमध्ये अमर्यादित प्रवास, या मोठ्या शहरात सुविधा

लखनऊ : Unlimited ride facility started in Metro : मेट्रोने प्रवास करणाऱ्यांसाठी एक आनंदाची बातमी आहे. आता त्यांना ठराविक रक्कम भरुन महिनाभरासाठी अमर्यादित प्रवासाची सुविधा मिळू शकते. लखनऊ मेट्रोने ही सुविधा सुरु केली आहे. यासाठी सरकारने सुपर सेव्हर कार्ड सुरु केले आहे. याच्या मदतीने लोक 1400 रुपयांमध्ये महिनाभर अमर्यादित प्रवास करु शकतात. आता अशी सुविधा मुंबईतही सुरु करा, अशी मागणी होत आहे. 

1400 रुपयांमध्ये एका महिन्यासाठी कितीही प्रवास

उत्तर प्रदेशचे मुख्य सचिव दुर्गाशंकर मिश्रा  (Durgashankar Mishra) यांनी कु अ‍ॅपवर या सुपर सेव्हर कार्डची सविस्तर माहिती दिली. त्यांनी Ku वर लिहिले, 'लखनऊ मेट्रोचे सुपर सेव्हर कार्ड लॉन्च करा, अमर्यादित प्रवास करा! प्रवाशांचा प्रवास परवडणारा आणि सोपा करण्यासाठी कटिबद्ध असलेल्या लखनऊ मेट्रोने या दिशेने आणखी एक नवीन पाऊल टाकले आहे. 1400 रुपयांमध्ये 30 दिवसांसाठी अमर्यादित प्रवासाची सुविधा असलेले नवीन 'सुपर सेव्हर कार्ड' सादर करताना मला खूप आनंद होत आहे. 

लखनऊ मेट्रोने ही सुविधा सुरु केली

मुख्य सचिवांनी हे कार्ड सुरू करण्याचे कारणही सांगितले की, लखनऊच्या रहिवाशांना नवीन भेट! हे कार्ड लाँच करण्यामागचा उद्देश हा आहे की लोकांना या ग्रीन मोबिलिटी सिस्टीमचा वापर करण्यास प्रोत्साहित करणे जे जागतिक दर्जाचे असण्यासोबत सुरक्षित आणि आरामदायी आहे. या नवीन उपक्रमासाठी लखनऊ मेट्रोचे हार्दिक अभिनंदन!'

सरकारने सुपर सेव्हर कार्ड आणले

दुर्गाशंकर मिश्रा यांनी म्हटले आहे की, 'हे जांभळ्या रंगाचे सुपर सेव्हर कार्ड नियमित प्रवाशांसाठी किफायतशीर आहे. यासोबत 1400 रुपयांमध्ये 30 दिवसांसाठी अमर्यादित प्रवासाची सुविधा उपलब्ध होणार आहे. कार्डची किंमत 1500 आहे, ज्यामध्ये 100 रुपयांची सुरक्षा रक्कम परत करण्यायोग्य आहे. या कार्डमध्ये संपर्करहित प्रवासाचीही सुविधा आहे. आता तुम्हाला पुन्हा पुन्हा रांगेत उभे राहून टोकन खरेदी करण्याची गरज नाही. 

सार्वजनिक वाहतुकीला चालना देण्याचा प्रयत्न

मोठ्या शहरांमध्ये वाढते प्रदूषण आणि ट्रॅफिक जॅम ही राज्य सरकारांसाठी मोठी समस्या आहे. याला सामोरे जाण्यासाठी, सरकारे आपापल्या राज्यांमध्ये सार्वजनिक वाहतुकीला प्रोत्साहन देत आहेत. लखनऊ मेट्रोमध्ये केवळ 1400 रुपयांमध्ये अमर्यादित राइडची सुविधा मिळाल्यानंतर, इतर शहरांमध्येही अशाच घोषणा केल्या जातील, ज्यामुळे लोकांना खाजगी वाहनांमधून चालण्याचा मोह सोडण्यास प्रवृत्त केले जाईल.