कायदा येण्याआधी क्रिप्टोकरन्सीमध्ये मोठी घसरण; लाखो गुंतवणूकदार अस्वस्थ

नवी दिल्ली : केंद्र सरकार लवकरच खासगी क्रिप्टोकरन्सीवर बंदी घालण्याच्या तयारीत असून 29 नोव्हेंबरपासून सुरू होणाऱ्या संसदेच्या हिवाळी अधिवेशनात सरकार क्रिप्टोकरन्सीबाबत विधेयक मांडणार आहे. ही बातमी भारतातील त्या 100 दशलक्ष लोकांसाठी आहे. ज्यांनी कोणत्या ना कोणत्या क्रिप्टो चलनात गुंतवणूक केली आहे. भारत  सरकार लवकरच क्रिप्टो चलनावर पूर्णपणे बंदी घालणार आहे.

फक्त आरबीआयने जारी केलेल्या क्रिप्टोकरन्सी वैध 
क्रिप्टो करन्सीमध्ये भारतातील 10 कोटी लोकांचे 70 हजार कोटी रुपये पणाला लागले असून ही आकडेवारी अस्वस्थ करणारीही आहे. क्रिप्टो करन्सी म्हणजे डिजिटल चलन आणि ज्यावर सरकारचे कोणतेही नियंत्रण नाही, पण सरकार आता त्यावर बंदी घालणार आहे. 29 नोव्हेंबरपासून संसदेच्या हिवाळी अधिवेशनात नवीन विधेयके मांडली जाणार आहेत.

संसदेच्या यादीत 10 व्या क्रमांकावर क्रिप्टोकरन्सीशी संबंधित एक विधेयक आहे, ज्यामध्ये हे स्पष्टपणे लिहिले आहे की भविष्यात भारतीय रिझर्व्ह बँक (RBI) द्वारे जारी केलेल्या क्रिप्टो चलनाशिवाय इतर सर्व खाजगी क्रिप्टो चलनांवर बंदी घातली जाईल.

क्रिप्टो चलन बंदीच्या बातम्यांमुळे मोठी घसरण
क्रिप्टोकरन्सीवर बंदी घालण्याची बाब समोर येताच, त्यानंतर सर्व क्रिप्टोकरन्सीमध्ये मोठी घसरण झाली आहे. बिटकॉइन, इथरियमसह सर्व क्रिप्टो मध्ये घसरण झाली आहे. बंदीच्या वृत्तानंतर, क्रिप्टो चलन सुमारे 30 टक्क्यांनी घसरले आहे. या कालावधीत बिटकॉइनमध्ये सर्वात मोठी घसरण दिसून आली असून त्यात 29 टक्क्यांपर्यंत घसरण झाली आहे. त्याच वेळी, इथरियम क्रिप्टोकरन्सी देखील 27 टक्क्यांनी घसरली आहे.

कोणते चलन किती घसरले?

क्रिप्टो       चलनाची घसरण
बिटकॉइन     29.15%
यार्न फायनान्स 29.74%
इथरियम      26.95%
मेकर          25.85%
Filecoin     30.05%

पीएम नरेंद्र मोदी हे म्हणाले की,
गेल्या आठवड्यातच, पंतप्रधान नरेंद्र मोदी (PM Narendra Modi on Cryptocurrency) म्हणाले होते की संपूर्ण जगातील लोकशाही देशांनी हे नवीन युगातील डिजिटल चलन चुकीच्या हातात पडणार नाही याची काळजी घेतली पाहिजे.

पीएम मोदी म्हणाले होते की, क्रिप्टोकरन्सी आपल्या तरुणांना उद्ध्वस्त करू शकते. जगभरात क्रिप्टोकरन्सी वापरण्यात भारतीय आघाडीवर आहेत, याचीही सरकारची चिंता आहे.

8 वर्षात 7 हजार पटींनी व्यवसाय वाढला

सध्या जगभरात 7 हजारांहून अधिक विविध क्रिप्टो नाणी चलनात आहेत. हे एक प्रकारचे डिजिटल नाणे आहेत, तर 2013 पर्यंत जगात फक्त एकच क्रिप्टोकरन्सी होती, ज्याचे नाव बिटकॉइन आहे. हे 2009 मध्ये लॉन्च केले गेले.