बिहार निवडणूक: प्रचारासाठी विविध मास्क आणि फेसशिल्डची भरघोस विक्री

पटना : बिहारमध्ये विधानसभा निवडणुकीसाठी सगळेच पक्ष आता जोरदार कामाला लागले आहेत. कोरोना काळातही निवडणुकीचं साहित्य विक्री जोरात होत आहे. कोरोनामुळे नवीन प्रकारचे जाहिरात साहित्य बाजारात आले आहेत. कोरोनापासून बचावासाठी मास्क आणि फेस शील्ड यांची मागणी वाढली आहे. यावेळी निवडणूक प्रचारात मास्क आणि फेस शिल्ड यांची जोरात विक्री सुरु आहे.

सत्ताधारी जेडीयू कार्यालयात फेस मास्क आणि फेस शिल्ड दोन्ही विक्रीसाठी ठेवल्या आहेत. मास्कची किंमत दहा रुपये तर फेस शील्डची किंमत 50 रुपये आहे. हे दोन्ही गोष्टी सामान्य मास्क आणि फेस शील्डपेक्षा वेगळी आहेत. कारण त्यात पक्षाचे निवडणूक चिन्ह देखील आहे. अमित शहा यांचे चित्र आणि कमळ चिन्हांकित मास्क, तसेच जेडीयूचं चिन्ह असलेला मास्क बाजारात विकला जात आहे.

दुकानदारांचे म्हणणे आहे की, जे खरेदी करायला येत आहेत त्यांचे लक्ष मास्क आणि फेस शिल्डवर अधिक आहे. जेडीयू कॅम्पसमध्ये प्रचाराचं साहित्य असणाऱ्या या स्टॉलमध्ये भाजप, हिंदुस्तान आम मोर्चा आणि विकास इंसान पक्षाशी संबंधित निवडणूक वस्तू आहेत. लोक जनशक्ती पक्षाशी संबंधित पोस्टर्स आणि बॅनर देखील येथे विकली जात नाहीत. दुसर्‍या बाजूला बीरचंद पटेल पथवर आरजेडी कार्यालय आहे जिथे देखील अशा प्रचारांच्या वस्तूंचा स्टॉल लागला आहे.

जबरदस्त आकर्षक चित्रासह टी-शर्ट, हातातले बँड असे विविध गोष्टी विक्रीला ठेवण्यात आले आहे. छोट्या आकाराचे झेंडे आणि कॅप देखील विकली जात आहे. हा स्टॉल सहा दिवस अगोदर लावण्यात आला आहे, परंतु दररोज 30 ते 40 हजार जाहिरात साहित्य विकले जात आहे. कारण यावेळी महाआघाडीत सीपीआय, सीपीएम आणि एमएलसारखे डावे पक्ष आहेत, त्यामुळे त्यांचे संबंधित चिन्हांना स्टॉलमध्ये स्थान देण्यात आले आहे. काँग्रेसची पोस्टर्स आणि बॅनर देखील विकली जात आहेत.

पक्ष मुख्यालयाजवळ प्रचारात्मक साहित्याशी संबंधित स्टॉल्स लावण्याचे कारण हे देखील आहे की, संपूर्ण बिहारमधून नेते आणि कार्यकर्ते येथे येतात, जेणेकरून ते मोठ्या प्रमाणात येथून निवडणूक प्रचाराशी संबंधित वस्तू खरेदी करू शकतील. कोरोना काळात निवडणुका घेणे हे एक आव्हान असताना, त्या आव्हानाला तोंड देण्यासाठीही तयारी सुरू आहे. म्हणून, त्याच गोष्टी प्रसिद्धी सामग्रीमध्ये वापरल्या जात आहेत ज्यामुळे कोरोना संसर्ग होऊ शकत नाही.