मी राज्यातील जनतेची माफी मागतो - कुमारस्वामी
कर्नाटक विधानसभेत थोड्याच वेळात मतदान होण्याची शक्यता आहे.
)
बंगळुरु : कर्नाटक विधानसभेत विश्वासदर्शक ठरावावर चर्चा सुरु आहे. दरम्यान, थोड्याच वेळात मतदान होण्याची शक्यता आहे. तर मुख्यमंत्री कुमारस्वामी राजीनामा देणार का याचीही उत्सुकता आहे. जर विश्वासदर्शक ठरावावर मतदान झाले तर सरकार कोसळणार, अशी स्थिती आहे. मात्र, मी राज्यातील जनतेची माफी मागतो, असे सांगत सत्तेतून बाजुला होणार, असल्याचे संकेत कुमारस्वामी यांनी दिले आहेत. त्यामुळे काही वेळातच याबाबच चित्र स्पष्ट होईल.
काँग्रेस सोबत सत्ता स्थापन केली म्हणून मला केंद्रामधील सरकारने कोणतीच मदत केलेली नाही. मी जर काही चूक केली असेन तर माझा कान पकडा आणि चांगले केले असेल तर चांगलं म्हणा, असे सागंत माझे सरकार निर्लज्ज सरकार नाही. मी भाषण करून पळून जाणार नाही. मी विश्वासमताला सामोरे जाणार आहे, असे कुमारस्वामी यांनी यावेळी भाषण करताना सांगितले.
दरम्यान, बंगळुरूत भाजप आणि काँग्रेस कार्यकर्ते एकमेकांना भिडल्याचे पाहायला मिळाले आहे. त्यामुळे पोलिसांनी बंगळुरूमध्ये आज आणि उद्या १४४ कलम लागू केले आहे.
Karnataka trust vote put off again, speaker sets Tuesday 6 pm deadline for trust vote
Read @ANI story | https://t.co/Ml8QSwcTTv pic.twitter.com/IKAwu5GsHK
— ANI Digital (@ani_digital) July 22, 2019
K'taka crisis: Speaker meets lawyers of rebel MLAs, Cong delegation
Read @ANI Story | https://t.co/zKeaspOa7P pic.twitter.com/dn3Be4E0Fr
— ANI Digital (@ani_digital) July 23, 2019
दरम्यान, भाजप नेत्यांनी नव्हे तर आपला विश्वासघात मुंबईत लपलेल्या बंडखोर आमदारांनी केला, अशी टीका कर्नाटकातीलकाँग्रेस नेते डी. के. शिवकुमार यांनी केली. कर्नाटक विधानसभेत त्यांनी हे वक्तव्य केले. मी एका बंडखोर आमदाराशी बोललो तेव्हा त्यांनी मला इथून सोडवा, अशी विनवणी केली होती, असा गौप्यस्फोटही त्यांनी केला. त्या सर्व बंडखोरांना इथे येऊ दे आणि आपले म्हणणे मांडू दे असे आवाहनही शिवकुमार यांनी केले.