Women Health : महिलांना Heart Attack येण्यापूर्वीच ही लक्षणे दिसू लागतात, दुर्लक्ष करू नका

Heart Attack Symptoms: आजच्या युगात ताणतणाव, चुकीची जीवनशैली आणि आहार यामुळे महिलांमध्ये हृदयविकाराचे (Heart Attack) प्रमाण झपाट्याने वाढत आहे. पूर्वी असे मानले जात होते की हृदयविकार महिलांपेक्षा पुरुषांना जास्त प्रभावित करतात, परंतु आता हा आजार जगभरातील महिलांमध्ये सामान्य झाला आहे. हृदयाशी संबंधित कोणताही आजार तेव्हाच सुरू होतो. जेव्हा रक्ताच्या नसांमध्ये समस्या असते. या दरम्यान थकवा, झोपेचा त्रास यांसारखी लक्षणे दिसू लागतात. नुकतेच अमेरिकेच्या हॉवर्ड हेल्थ इन्स्टिट्यूटने (Howard Health Institute) महिलांमध्ये हृदयविकाराच्या झटक्याची लक्षणे ओळखण्यासाठी एक सर्वेक्षण केले आहे. ज्यामध्ये त्यांनी सांगितले की, सर्वेक्षणात समाविष्ट असलेल्या 95 टक्के महिलांना हृदयविकाराच्या झटक्याच्या एक महिना आधी अनेक सामान्य लक्षणे (symptoms) जाणवतात. (Women start to notice these symptoms even before having a heart attack nz)

कोणताही हृदयविकार तेव्हा सुरू होतो. जेव्हा रक्ताच्या नसांमध्ये समस्या असते. त्यांच्याद्वारेच ऑक्सिजन (oxygen) हृदयापर्यंत पोहोचतो. हृदयाच्या धमन्यांमध्ये कोलेस्टेरॉल (Cholesterol) साचल्याने अनेकदा हृदयविकार होतात. जेव्हा असे होते तेव्हा हृदय आणि शरीराच्या इतर भागांमध्ये रक्ताचा प्रवाह कमी होतो. अशा परिस्थितीत आपले शरीर अनेक संकेत देत असते पण आपण त्याकडे दुर्लक्ष करत असतो.

हे ही वाचा - वयाच्या चाळिशीनंतरही राहिल तोच उत्साह आणि जोश, या गोष्टींचा खाण्यात करा समावेश!

तुम्हाला ही लक्षणे दिसतील

1. छातीत जळजळ होण्याची समस्या आहे, ज्याकडे लोक आम्लपित्त समजून दुर्लक्ष करतात.
2. श्वास लागणे किंवा अधूनमधून श्वास लागणे
3. खूप लवकर थकवा वस्तू उचलताना किंवा अंथरुणातून उठताना कंटाळा येणे
4. मधूनमधून चक्कर येणे
5. अनियंत्रित रक्तदाब
6. छाती दुखणे
7. मळमळ
8. अनियंत्रित धडधडणे

सौम्य हृदयविकाराचा झटका

छातीत घट्टपणा जाणवणे, अस्वस्थता, श्वास घेण्यास त्रास होणे आणि घाम येणे. ही काही सामान्य लक्षणे आहेत, ज्याकडे लोक सामान्य समस्या म्हणून दुर्लक्ष करतात आणि पेनकिलर (Painkiller) घेतल्यानंतर थोडा वेळ झोपणे किंवा विश्रांती घेणे पसंत करतात. परंतु ही सामान्य समस्या नसून सौम्य हृदयविकाराचा झटका असू शकतो, ज्याला सायलेंट हार्ट अटॅक (Silent Heart Attack) म्हणून ओळखले जाते. 

(Disclaimer: वरील माहिती सामान्य ज्ञानावर आधारित आहे. दैनंदिन आयुष्यात याचा वापर करायचा झाल्यास तज्ज्ञांचा सल्ला घ्यावा.)