पुरुषांच्या 'या' चुकांमुळे घटू शकतो स्पर्म काऊंट!

मुंबई : पुरुषांमध्येही आजकाल इन्फर्टिलिटीची समस्या मोठ्या प्रमाणावर दिसून येते. पुरुषांमध्ये दिसून येणाऱ्या इन्फर्टिलिटीच्या समस्यासेला मुख्य कारण आहे ते म्हणजे स्थूलपणा. लठ्ठपणाचा थेट परिणाम पुरुषांच्या टेस्टोस्टेरॉनवर होतो, ज्यामुळे स्पर्मची संख्या कमी होते. स्पर्म्सची संख्या कमी करण्याबरोबरच लठ्ठपणामुळे त्याची गतिशीलता देखील कमी होते.

बदलती जीवनशैली, हाय कॅलरीयुक्त अन्न, कमी फायबर जंक फूड आणि शारीरिक हालचालींचा अभाव हे लठ्ठपणा वाढवण्याचं काम करतात. पॅरिस अभ्यासात असे आढळून आलंय की, लठ्ठ लोकांच्या तुलनेत कमी वजनाच्या पुरुषांमध्ये स्पर्म काऊंट जास्त होता.

लठ्ठपणा आणि फर्टिलिटी कमी असणं यांच्यातील संबंधांचा संशोधकांनी अंदाज लावला. संशोधकांच्या म्हणण्याप्रमाणे, फॅटी टिश्यूस पुरुषांच्या सेक्स हार्मोन्स टेस्टोस्टेरॉनचं महिलांच्या हार्मोन एस्ट्रोजेनमध्ये बदलू लागतात. जितके जास्त फॅटी टिश्यू वाढतात, तितकेच इस्ट्रोजेन पुरुषांमध्ये वाढतं.

लठ्ठपणामुळे पुरुषांना इरेक्टाइल डिसफंक्शनची समस्या उद्भवण्याची जास्त शक्यता असते. याचं कारण असं की, लठ्ठपणामुळे रक्तदाब देखील वाढतो आणि त्याचा परिणाम पुरुषांच्या पुरुषाचे जननेंद्रियातील रक्ताच्या प्रवाहावर होतो. यामुळे, पुरुषांमध्ये इरेक्शन होण्यात खूप अडचण येते. तज्ज्ञांच्या मते, पुरुषांनी प्रजनन क्षमता वाढवण्यासाठी काही विशेष उपाय करावेत.

आरोग्यासाठी फायदेशीर खाणं

पुरुषांनी त्यांच्या जीवनशैली आणि आहाराकडे खूप लक्ष दिलं पाहिजं. आपल्या आहारात भरपूर फळं, भाज्या, प्रथिनं, संपूर्ण धान्य आणि दुग्धजन्य पदार्थांचा समावेश करा. यासह, शारीरिकरित्या सक्रिय राहणं निरोगी वजन राखण्यास मदत करते.

कॅफेनची मात्रा कमी करा

जास्त प्रमाणात कॅफेन स्पर्मस्ची संख्या कमी करतं आणि त्याची क्वालिटीही खराब करते. पुरुषांनी जास्त कॉफी पिणं टाळावं. एका दिवसात 300 मिलीग्रामपेक्षा जास्त कॅफेन घेऊ नका.

व्यायाम करा

जास्त ताण घेतल्याने स्पर्म प्रोडक्शनवर परिणाम होतो. शारीरिक आणि मानसिकदृष्ट्या तंदुरुस्त राहण्यासाठी नियमितपणे व्यायाम करा. दररोज योगा, पायी चालणं, सायकल चालवणं किंवा पोहणं याद्वारे स्पर्म क्वालिटी चांगली राहते.

धुम्रपान करणं सोडा

सिगारेटमुळे स्पर्म काउंट कमी होतो. आरोग्य तज्ज्ञ म्हणतात की, जर तुम्ही फॅमिली प्लॅनिंगचा विचार करत असाल तर तीन महिने अगोदर सिगारेट सोडा