Joint Pain : हिवाळ्यात गुडघेदुखीचा त्रास होताय, 'या' 3 गोष्टी खायला सुरुवात करा

मुंबई : हिवाळ्यात सांधेदुखीच्या (Arthritis) रुग्णांचा त्रास वाढतो. थंडीमुळे हाडे आणि गुडघे दुखू लागतात. वास्तविक, हाडांच्या सांध्यांमध्ये युरिक अॅसिड वाढल्याने सांधेदुखी सुरू होते. तज्ज्ञांच्या मते, भारतात दर पाचपैकी एकाला संधिवात आहे. पूर्वी हा आजार फक्त वयोवृद्ध लोकांमध्ये दिसून येत होता, पण आता तरूणांनाही सांधेदुखी आणि सांधेदुखीचा (Arthritis)  त्रास होत आहे.त्यामुळे चालणे सर्वात कठीण होते. त्यामुळे चला जाणून घेऊया हिवाळ्यात सांधेदुखीच्या रुग्णाने कोणत्या गोष्टी खाव्यात.

लसूण
हिवाळ्यात सांधेदुखीपासून (Arthritis)  स्वत:चा बचाव करण्यासाठी लसणाचा आहारात समावेश करावा. लसूण खाल्ल्याने सांधेदुखीमध्ये आराम मिळतो. लसणात सल्फर आणि अँटीऑक्सिडंट्स आढळतात. हे खुप फायदेशीर असते. जे लोक रोज सकाळी रिकाम्या पोटी लसणाच्या 2-3 पाकळ्या खातात, त्यांना सांधेदुखीच्या समस्येत खूप आराम मिळतो.

मेथी
हिवाळ्यात सांधेदुखीपासून (Arthritis) आराम मिळवण्यासाठी मेथीचे सेवन जरूर करा. मेथीमध्ये दाहक-विरोधी गुणधर्म असतात. हे सांधेदुखीविरोधी गुणधर्मांनी परिपूर्ण आहे. मेथीमध्ये सॅच्युरेटेड आणि अनसॅच्युरेटेड फॅटी अॅसिड्स आढळतात, ज्यामुळे सांधेदुखीमध्ये आराम मिळतो. सांधेदुखीच्या रुग्णाने 2 चमचे मेथी पाण्यात उकळून पाणी प्यावे. 

धणे 
धण्यात भरपूर प्रमाणात अँटी-ऑक्सिडंट घटक आढळतात. यामुळे सांधेदुखीत (Arthritis) आराम मिळतो. सांधेदुखीसाठी धणे खूप फायदेशीर आहे. सांधेदुखीच्या रुग्णांनी पाण्यात भिजवलेले धणे प्यावे, खुप फायदा होईल. तुम्हाला हवे असल्यास कोमट पाण्यात धने पावडर टाकून पिऊ शकता. 

(Disclaimer:  इथे दिलेली माहिती सामान्य माहितीवर आधारित आहे. झी 24 तास याची कोणतीही खातरजमा करत नाही. आमचा उद्देश फक्त तुम्हाला माहिती देणं आहे.)