Health Tips: 24 तासात इतक्या वेळ आहार घेऊ शकता, NCBI अहवालातून माहिती समोर

Idol Meals In A Day: अन्न हे पूर्णब्रह्म असं म्हटलं जातं. कारण रोजच्या जगण्याची उर्जा आपल्याला अन्नातून मिळते. त्यामुळे अन्न हे देवासमान असल्याचं म्हटलं जातं. पण निरोगी जीवनासाठी आवश्यक आहार घेणं खूप महत्त्वाचं आहे. कारण याचा थेट परिणाम आपल्या आरोग्यावर होत असतो. मात्र आहार कसा घ्यावा, याबाबत तज्ज्ञांची वेगवेगळी मतं आहेत. आता नॅशनल सेंटर फॉर बायोटेक्नॉलॉजी इन्फर्मेशननं (NCBI) एका अहवालात याबाबत माहिती दिली आहे. यात दिवसाला किती आहार घ्यावा आणि किती वेळा घेतल्यास फायदेशीर ठरेल याबाबत सांगितलं आहे. 

किती वेळा आहार घ्यावा

अहवालानुसार पश्चिमी देशात साधारणत: तीन वेळा आहार घ्यावा. यात दुपारचं जेवण, नाश्ता आणि रात्रीचं जेवण याचा समावेश आहे. आहारतज्ज्ञांच्या मते, तीन वेळा आहार घेण्याव्यतिरिक्त दिवसातून दोनदा स्नॅक्स घ्यावा. अशा प्रकारे, दिवसातून 5-6 वेळा खाण्याचा सल्ला दिला जातो.

आहार आणि वजन

वजन कमी करण्यासाठी जेवण कमी करणे आवश्यक असल्याचे संशोधनातून समोर आले आहे. जर तुम्ही दिवसातून तीन वेळा खाल्ले तर तुमचा बीएमआय (बॉडी मास इंडेक्स) वाढण्याचा धोका असतो. जर तुम्ही दोनदा जेवण खाल्ले तर बीएमआय कमी असेल. लठ्ठपणामुळे अनेक आजार होतात. त्यामुळे न्याहारी करण्याऐवजी दोन वेळा खाणे चांगले.

मधुमेह आणि अन्न

मधुमेहामध्ये तुम्ही सामान्य अन्न खाऊ शकता. तुम्ही किती अन्न खात आहात हे महत्त्वाचे नाही, तर तुम्ही जेवणात काय घेता हे जास्त महत्त्वाचे आहे.

हार्ट प्रॉब्लेम आणि अन्न

हृदयविकाराचा समस्या असल्यास आपण दिवसातून 3-4 वेळा जेवण घेऊ शकता. जर तुम्ही हार्ट पेशंट असाल तर स्नॅक्सऐवजी हलका आहार घ्या. चरबीचे प्रमाण थेट कोलेस्टेरॉल वाढवते, म्हणून काळजी घ्या.

(Disclaimer: कृपया अवलंब करण्यापूर्वी वैद्यकीय सल्ला घ्या. ZEE 24 TAAS याची पुष्टी करत नाही.)