Weight Loss: चिकन की पनीर, वजन कमी करण्यासाठी सर्वोत्तम काय चांगले, जाणून घ्या

Weight Loss Food : आपले वजन वाढेल म्हणून काही लोक चिकन आणि पनीर खाण्याचे सोडून देतात. कारण जेव्हा वजन कमी करण्याचा प्रश्न येतो, तेव्हा प्रत्येकासाठी चिकन आणि पनीर यापैकी एक निवडणे कठीण होते. चिकन आणि पनीरमध्ये प्रथिने जास्त असतात. हे दोन्ही पदार्थ आपले स्नायू बळकट करण्यात मदत करतात. मात्र, चिकन की पनीर असा ज्यावेळी प्रश्न उभा राहतो, त्यावेळी काय खावे हे जाणून घ्या. 

वजन वाढीची चिंता असेल तर त्यांनी खाण्याकडे लक्ष दिले तर हा प्रश्न गंभीर होणार नाही. कारण चिकनमध्ये  प्रथिने असले तरी कॅलरी आणि चरबी कमी असते. त्यात अत्यावश्यक अमीनो अ‍ॅसिडचे प्रमाण देखील जास्त असते. त्यामुळे वजन वाढीचा तसा धोका नाही. चिकन खाण्यामुळे आपले स्नायू अधिक बळकट होण्यास मदत होते. हाटे अधिक मजबूत करण्यासाठी चिकन आवश्यक असते. चिकन हे व्हिटॅमिन बी 12 चा देखील चांगला स्रोत आहे, जो शरीरातील ऊर्जेची पातळी राखण्यासाठी आणि मज्जासंस्था निरोगी ठेवण्यासाठी आवश्यक आहे.

तर दुसरीकडे, पनीर हा एक प्रकारचा चीजचा प्रकार आहे, जो सामान्यतः भारतीय जेवणात वापरला जातो. यामध्ये प्रथिने तसेच कॅलरीज आणि फॅटचे प्रमाण जास्त असते. पनीरमध्ये कॅल्शियम देखील मुबलक प्रमाणात आढळते, जे हाडे मजबूत ठेवण्यासाठी आवश्यक असते.

वजन कमी करण्यासाठी चिकन की पनीर चांगले?

तुम्हाला तुमचे वजन कमी करायचे आहे आणि चिकन खायचे असेल तर प्रथम चिनकला प्राधान्य द्या. कारण वजन कमी करण्यासाठीचे उत्तर हे चिकन आहे. पनीर हा प्रथिनांचा चांगला स्रोत आहे, तर त्यात कॅलरी आणि चरबी देखील जास्त आहे. म्हणजे आवश्यकतेपेक्षा जास्त कॅलरी घेतल्याने वजन वाढू शकते. त्यामुळे पनीर ऐवजी चिकन खा. चिकन कमी प्रमाणात प्रथिने आहे, ज्यामध्ये कॅलरी आणि चरबी कमी असते. याचा अर्थ असा की तुम्ही जास्त कॅलरी न वापरता त्याचा जास्त वापर करु शकता. याव्यतिरिक्त, चिकनमधील अत्यावश्यक अमीनो अ‍ॅसिड्स तुम्हचे स्नायू बळकट करण्यास मदत होते. तसेच आपली पचनक्रीया वाढविण्यात आणि वजन कमी करण्यात मदत करु शकतात.

आहारामध्ये दोन्हीचा समावेश करु शकता

आपण काय खावे आणि काय खाऊ नये, याचा विचार करत बसू नका. आहारात चिकन आणि पनीर यांचा समावेश करु शकता. ज्यांना वजन वाढीची भिती आहे त्यांनी पनीर कमी प्रमाणत खावे. अर्थात, हे लक्षात घेणे महत्त्वाचे आहे की चिकन आणि पनीर दोन्ही निरोगी वजन कमी करण्याच्या आहाराचा भाग असू शकतात. मुख्य म्हणजे ते मध्यम प्रमाणात खाणे आणि तळण्याऐवजी ग्रिलिंग किंवा बेकिंगसारख्या निरोगी स्वयंपाक पद्धती निवड करणे गरजेचे आहे. याशिवाय शाकाहारी लोकांनी वजन कमी करण्यासाठी पनीरचा आहारात समावेश केला पाहिजे.

(Disclaimer: येथे दिलेली माहिती सामान्य गृहीतके आणि माहितीवर आधारित आहे.  ZEE 24 TAAS याची पुष्टी करत नाही.)