कोण आहे सॅम बॉम्बे? पूनम पांडेनं का लावलाय स्वत:च्याच नवऱ्यावर आरोप?

मुंबई : अभिनेत्री आणि मॉडेल पूनम पांडेचा पती सॅम बॉम्बे याला मुंबई पोलिसांनी अटक केली आहे. पूनम पांडेने पतीवर मारहाणीचा आरोप केला आहे. एवढेच नाही तर गंभीर जखमी झालेल्या पूनमला रुग्णालयात दाखल करण्यात आले आहे. तिच्या डोक्यावर, डोळ्यावर आणि चेहऱ्यावर गंभीर जखमा झाल्या आहेत. अभिनेत्रीच्या तक्रारीनंतर पोलिसांनी सॅमविरुद्ध भारतीय दंड संहितेअंतर्गत गुन्हा दाखल करून त्याला तुरुंगात पाठवले आहे.

पोलीस या प्रकरणाचा तपास करत आहेत. मात्र पूनम पांडेने पतीवर गंभीर आरोप करण्याची ही पहिलीच वेळ नाही, याआधीही तिने हनीमूनच्या वेळी देखील आपल्या पतीला तुरुंगात पाठवले होते. परंतु सगळ्यांना हा प्रश्न पडला आहे की, पूनम पांडेने लग्न केलेली व्यक्ती सॅम बॉम्बे कोणा आहे, तो काय करतो? तर आज आम्ही तुम्हाला याबद्दल काही माहिती सांगणार आहोत.

सॅम बॉम्बे कोण आहे?

सॅम बॉम्बे याचा जन्म दुबई, संयुक्त अरब अमिराती येथे झाला. 37 वर्षीय सॅमचे पूर्ण नाव सॅम अहमद बॉम्बे आहे. पूनमच्या आधी सॅमचे लग्न एली अहमदशी झाले होते, ती देखील एक मॉडेल आहे. दोघांना दोन मुले देखील आहेत.

सॅम बॉम्बे काय काम करतो?

सॅम बॉम्बे हा चित्रपट निर्माता आणि दिग्दर्शक आहे. यासोबतच तो अनेक अॅड फिल्म्सचा निर्माता आहे. दीपिका पदुकोण, जॅकलिन फर्नांडिस, अक्षय कुमार, रणबीर कपूर, तमन्ना भाटिया यांसारख्या अनेक बड्या फिल्म स्टार्ससोबत त्याने प्रोजेक्ट केले आहेत.

पूनम पांडेशी लग्न केलं

पूनम पांडे आणि सॅम यांनी अडीच वर्षे एकमेकांना डेट केलं. यानंतर दोघांनी 10 सप्टेंबर 2020 रोजी गुपचूप लग्न केले. लग्नानंतर काही दिवसांनी दोघेही हनिमूनसाठी गोव्याला गेले होते. ज्याचे फोटो दोघांनी सोशल मीडियावर जोरदार शेअर केले आहे.

लग्नानंतर 13 दिवसांनंतर जेल

पूनम पांडेच्या लग्नानंतर अवघ्या 13 दिवसांतच दोघांमध्ये इतके भांडण झाले होते की, पती सॅमला तुरुंगवास भोगावा लागला होता. पूनमने पती सॅम बॉम्बेवर विनयभंग आणि मारहाणीचे गंभीर आरोप केले होते. त्यानंतर तिच्या पतीला गोवा पोलिसांनी अटक केली होती. त्यानंतरही सॅमविरुद्ध कलम 353, 506 आणि 354 अंतर्गत गुन्हा दाखल करण्यात आला होता.

आता पुन्ही त्याने पूनम पांडेला मारहान केल्याच्या बातम्या समोर आल्या आहेत, ज्यामुळे पुन्हा एकदा सॅम बॉम्बेला तरुंगाची हवा खायला लागली आहे.