Virat Kohli या दिग्गज बॉलिवूड अभिनेत्याच्या बंगल्यात सुरु करणार हॉटेल

Virat Kohli New Hotel in Mumbai : भारताचा माजी कर्णधार विराट कोहली (Virat kohli) याने क्रिकेटसह आणखी एका क्षेत्रात आधीच पाऊल टाकलं आहे. दिल्लीनंतर आता त्याने मुंबईत नवं हॉटेल सुरु (Virat kohli in Hotel Business) करण्याचा निर्णय घेतलाय. पण महत्त्वाचं म्हणजे या हॉटेलला तो एका मोठ्या अभिनेत्याचं नाव देणार आहे.  विराट कोहली दिग्गज अभिनेत्याच्या बंगल्यात हे रेस्टॉरंट सुरु करणार आहे. विराटला बंगल्याची जागा आवडल्याने तो या ठिकाणी हे रेस्टॉरंट सुरु करणार आहे. 

जुहूमध्ये विराट कोहलीचं हे नवं हॉटेल असणार आहे. विराटने प्रसिद्ध गायक, अभिनेते किशोर कुमार (Kishore kumar) यांच्या बंगल्याचा मोठा भाग यासाठी भाड्याने घेतला आहे. रेस्टॉरंटचं काम सुरु असून लवकरच ते सुरु होणार आहे.

विराट कोहलीच्या या रेस्टॉरंटबाबत अमित कुमार यांनी देखील दुजोरा दिला आहे. आम्ही 5 वर्षांसाठी विराट कोहलीला ही जागा भाडेतत्त्वावर दिली असल्याचं अमित कुमार यांनी सांगितलं आहे. विराट कोहलीचे Nueva आणि One8commune नावाचं दिल्लीत रेस्टॉरंट आहे.

विराट कोहलीची फक्त भारतातच नाही तर जगभरात मोठी फॅन फॉलोइंग आहे. अनेक क्रिकेटर देखील त्याचे चाहते आहेत. विराट कोहलीचा कपड्यांचा देखील एक ब्रँड आहे. WROGN असं त्याचं नाव आहे.