'सिकंदर'च्या सेटवरील सलमान खानचा फोटो व्हायरल, हैदराबादमध्ये सलमान करतोय 'या' अभिनेत्रीसोबत शूटिंग

Sikandar Shooting In Hyderabad: बॉलिवूड अभिनेता सलमान खान काही दिवसांपासून सोशल मीडियावर प्रचंड चर्चेत आहे. सलमान खान त्याच्या आगामी चित्रपट 'सिकंदर' चित्रपटाच्या शूटिंगमध्ये व्यस्त आहे. सध्या सलमान खान आणि रश्मिका मंदाना हैदराबादमध्ये 'सिकंदर' चित्रपटाचे शूटिंग करत आहेत. अशातच सलमान खानचा सेटवरील एक फोटो सोशल मीडियावर व्हायरल झाला आहे. काही दिवसांपासून सलमान खानला लॉरेन्स बिष्णोई टोळीकडून अनेक धमक्या देखील येत आहे. हैदराबादमधील फलकनुमा पॅलेसच्या आतमधील व्हिडीओ व्हायरल होत आहे. 

अशातच सलमान खानला पुन्हा एकदा लॉरेन्स बिष्णोई टोळीने जीवे मारण्याची धमकी दिली आहे. काल रात्री म्हणजेच सोमवारी (04 नोव्हेंबर) रोजी मुंबईतील ट्रॅफिक कंट्रोल कक्षाला एक लॉरेन्स बिष्णोई टोळीच्या नावाने एक मेसेज प्राप्त झाला आहे. 

सिकंदरच्या सेटवरील व्हिडीओ व्हायरल 

लॉरेन्स बिष्णोई टोळीकडून सलमान खानला गेल्या काही दिवसांपासून जीवे मारण्याच्या धमक्या येत आहेत. सलमान खानची सुरक्षा देखील वाढवण्यात आली आहे. अशातच सलमान खान 'सिकंदर' चित्रपटाच्या शूटिंगमध्ये व्यस्त आहे. नुकताच सलमान खानचा हैदराबादच्या फलकनुमा पॅलेसमधील एक व्हिडीओ व्हायरल झाला आहे. मोठ्या प्रमाणात सुरक्षा असून देखील चाहत्यांनी चित्रपटाच्या सेटवरील सलमान खानचा व्हिडीओ शूट केला असून तो सोशल मीडियावर शेअर देखील केला आहे. 

सलमान खानला पाहण्यासाठी चाहत्यांनी फलकनुमा पॅलेसच्या बाहेर मोठ्या प्रमाणात गर्दी केली होती. सोशल मीडियावर सलमान खानचा मोठा चाहता वर्ग आहे. सलमानची एक झलक पाहण्यासाठी चाहते प्रत्येक ठिकाणी गर्दी करत असतात. 

पाहा व्हिडीओ

व्हायरल होणाऱ्या व्हिडीओमध्ये क्रू मेंबर्स दिसत आहेत. त्यासोबतच एक मॉनिटर देखील ठेवण्यात आला आहे. ज्यामध्ये रश्मिका मंदाना दिसत आहे. मात्र, यामध्ये सलमान खान कुठेच दिसत नाहीये. परंतु त्या ठिकाणी सलमान खान शूटिंग करत असल्याच म्हटलं जात आहे. 'सिकंदर' चित्रपटातील एक महत्त्वाचा सीन सलमान आणि रश्मिका शूट करत असल्याचं देखील म्हटलं जात आहे. 

चाहत्याने शेअर केला सलमान खानसोबतचा सेल्फी

व्हिडीओसोबतच सलमान खानचा एका चाहत्यासोबतचा एक फोटो देखील समोर आला आहे. ज्यामध्ये सलमान खान त्याच्या एका चाहत्यासोबत पोज देताना दिसत आहे. सिकंदर ईद 2025 नावाच्या x हँडलवरून हा फोटो शेअर करण्यात आला आहे. लॉरेन्स बिष्णोईकडून येणाऱ्या धमक्यांमध्ये देखील सलमान खान खूप शांत शांत दिसत आहे. 

#Sikandar today. #SalmanKhan pic.twitter.com/KTVRKl7baG

— Sikandar | Eid 2025 (@SikandarVerse) November 4, 2024