विटिलिगोने पीडित तरुणीने मिस युनिवर्समध्ये रचला इतिहास, काय आहे हा आजार? उपचार कसा कराल?
Logina Salah in Miss Universe 2024: मिस युनिव्हर्स 2024 स्पर्धेत भाग घेऊन इजिप्शियन स्पर्धक लोगिना सलाहने इतिहास रचला आहे. लॉगिना त्वचारोगाने त्रस्त आहे. लॉगिनाचा हा आजार काय त्याबद्दल जाणून घेऊया.
)
17 नोव्हेंबर रोजी मेक्सिको सिटीमध्ये झालेल्या मिस युनिव्हर्स 2024 स्पर्धेने एक नवा इतिहास रचला आहे. इजिप्तच्या लोगिना सलाहने त्वचारोगाच्या आजाराने त्रस्त असतानाही या स्पर्धेत भाग घेणारी ती पहिली स्पर्धक ठरली आहे. मिस युनिव्हर्स स्पर्धेच्या इतिहासात प्रथमच, एखाद्या स्पर्धकाने त्वचारोगाचा त्रास असतानाही भाग घेतला आणि टॉप 30 मध्ये पोहोचण्याचा पराक्रम केला. या घटनेचे जगभरातून कौतुक होत आहे.
मिस युनिव्हर्सच्या 72 व्या आवृत्तीत सहभागी होऊन, लोगिना सलाहने सौंदर्याच्या पारंपारिक विचारांना आव्हान दिले नाही तर अशा लोकांनाही संदेश दिला आहे. लोगिनाला विटिलीगो नावाचा त्वचा रोग आहे. विटिलिगो किंवा इतर त्वचा रोगांनी त्रस्त मुली अशा स्पर्धांमध्ये सहभागी होत नाही. त्यांच्यासाठी हे सर्वात मोठं उदाहरण आहे.
लोगिना सलाहचे नाव आता केवळ मिस युनिव्हर्स स्पर्धक म्हणूनच नव्हे तर प्रेरणास्रोत म्हणूनही घेतले जात आहे. लॉगिनाने हे सिद्ध केले आहे की, सौंदर्य केवळ बाह्य स्वरूपाशी संबंधित नाही तर आत्मविश्वास आणि वैयक्तिक संघर्षांशी देखील संबंधित आहे. लोगिना सलाहला विटिलिगो हा त्वचारोगाचा त्रास आहे. याला पांढरे डाग किंवा कोड असं देखील म्हणतात.
विटिलिगो म्हणजे काय?
विटिलिगो हा त्वचेचा आजार आहे, ज्यामध्ये शरीराच्या काही भागात त्वचेवर पांढरे डाग (पॅच) तयार होतात. त्यामुळे त्वचेला नैसर्गिक रंग देणारे रंगद्रव्य मेलेनिनच्या उत्पादनावर परिणाम होऊ लागतो. हा रोग कोणत्याही वयात होऊ शकतो, परंतु सामान्यतः तो 20 ते 30 या वयोगटात सुरू होतो. त्वचा व्यतिरिक्त, त्वचारोगाच्या परिणामांमुळे डोळे, केस आणि तोंडात पांढरे डाग येऊ शकतात. विटिलिगो संपूर्ण त्वचेवर देखील परिणाम करू शकतो.
या आजारावर उपचार काय?
या आजाराची नेमकी कारणे सांगता येत नसल्याचे आरोग्य तज्ज्ञांनी सांगितले. विटिलिगो हा स्वयंप्रतिकार रोग असल्याचे मानले जाते. याचा अर्थ शरीराची प्रतिकारशक्ती स्वतःच्या पेशींवर हल्ला करू लागते. काही अनुवांशिक कारणांमुळे त्वचारोग देखील होऊ शकतो. एखाद्या व्यक्तीला त्याच्या कुटुंबात त्वचारोग किंवा इतर स्वयंप्रतिकार रोग असल्यास, त्याला या रोगाचा धोका जास्त असू शकतो. ताणतणाव, त्वचेला दुखापत आणि सूर्यप्रकाशाच्या जास्त संपर्कामुळे देखील त्वचारोगाचा विकास होऊ शकतो. त्वचारोगावर कायमस्वरूपी इलाज नाही, परंतु काही क्रीम आराम देऊ शकतात.
(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)