Pushpa 2 Updates: అల్లు అర్జున్ నటించిన పాన్ ఇండియా మూవీ 'పుష్ప ది రైజ్' (మొదటి భాగం) ఎంతటి హిట్ కొట్టిందే ప్రత్యేకంగా చెప్పనక్కర్లేదు. అల్లు అర్జున్ కెరీర్లోనే అత్యధిక వసూళ్లు సాధించిన సినిమాగా నిలవడం సహా.. జాతీయ స్థాయిలో మంచి గుర్తింపు తెచ్చిపెట్టింది ఈ మూవీ. ముఖ్యంగా 2021లో అత్యధిక వసూళ్లు సాధించిన ఇండియన్ ఫిలింగా కూడా పుష్ప-1 నిలిచింది.
ఇక ఈ సినిమాలో అల్లు అర్జున్ నటనతో పాటు.. పాటలు, ఫైట్లకు మంచి మార్కులు పడ్డాయి. అందులో స్టార్ హీరోయిన్గా దూసుకుపోతున్న సమంత ఇందులో ఐటం సాంగ్ చేయడం విశేషం. సమంత చేసిన ఊ అంటావా.. ఊ ఊ అంటావా సాంగ్తో ప్రేక్షకులను ఓ ఊపు ఊపేసిన విషయం తెలిసిందే. సినిమా విడుదలై 100 రోజులు దాటినా ఈ పాట ఇంకా ట్రెండ్ అవుతుండటం విశేషం.
అయితే తాజాగా టాలీవుడ్ వర్గాల్లో కొత్త వార్త వినిపిస్తోంది. పుష్ప ది రూల్ (పార్ట్ 2)లో కూడా సమంత కనిపించనున్నట్లు తెలుస్తోంది. అయితే ఇక్కడ విశేషం ఏమిటంటే.. ఈ సారి ఐటం సాంగ్తో కాకుండా ఓ రోల్ చేయనున్నట్లు సమాచారం. అయితే ఈ విషయంపై చిత్ర యూనిట్ నుంచి ఎలాంటి అధికారిక ప్రకటన వెలువడలేదు.
ఇక పుష్ప-1లో హీరోయిన్గా నటించిన రష్మికా మందాన్న.. పార్ట్ 2లోను కంటిన్యూ కానున్న విషయం తెలిసిందే.
పుష్ప సినిమా గురించి
శేషాచలం అడవుల్లో గందపు చెక్కల స్మగ్లింగ్ నేపథ్యంలో సాగే చిత్రమే పుష్ప. ఇందులో అల్లు అర్జున్ పుష్ప రాజ్గా కనిపించారు. సుకుమార్ దర్శకత్వం వహించిన ఊ మూవీ.. మైత్రీ మూవీ మేకర్స్ పతాకంపై నవీన్ యర్నేని, వై. రవి శంకర్లు నిర్మించారు. 2021 డిసెంబర్ 17న విడుదలైన ఈ మూవీ మొదటి భాగం రూ.365 కోట్ల వసూళ్లు రాబట్టినట్లు అంచనాలున్నాయి. రెండో భాగం ఈ ఏడాది చివర్లో గానీ.. 2023 తొలినాళ్లలోగాని విడుదలవనుంది.
Also read: Allu Arjun Car: టాలీవుడ్ సెలెబ్రిటీల కార్లకు హైదరాబాద్ ట్రాఫిక్ పోలీసుల జరిమానా
Also read: RGV on RRR: ఆర్ఆర్ఆర్, రాజమౌళిపై ఆర్జీవీ ఆసక్తికర వ్యాఖ్యలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
