तालिबान या प्रांताला अजूनही स्पर्श करू शकलेला नाही, तालिबान विरुद्ध युद्धासाठी होतोय सज्ज

काबुल : काबुल ताब्यात घेतल्यानंतर तालिबानने अफगानिस्तानचा बहुतांश भाग काबीज केला आहे. पण एक प्रांत अजूनही आवाक्याबाहेर आहे. पंजशीर प्रांत काबुलपासून फक्त 100 किलोमीटर अंतरावर आहे. पंजशीरचा अर्थ 'पर्शियाचे पाच सिंह' असा आहे. आतापर्यंत कोणीही पंजशीर प्रांत काबीज करू शकलेलं नाही आणि तो बराच काळ स्वतंत्र क्षेत्र राहिला आहे.

पंजशीर प्रांताचा घाटी परिसर पाहण्यासाठी अतिशय आकर्षक आहे. हे अफगानिस्तानच्या 34 प्रांतांपैकी एक आहे, ज्यामध्ये 7 जिल्हे आहेत, ज्यात 512 गावे आहेत. 2021 च्या आकडेवारीनुसार, पंजशीरची लोकसंख्या 173,000 च्या जवळपास आहे. त्याची प्रांतीय राजधानी बजरक आहे.अमरुल्ला सालेह येथून तालिबानच्या विरोधात रणनीती आखत आहे.

अमरुल्ला सालेह (अफगानिस्तानचे माजी उपराष्ट्रपती) या प्रांतातच उपस्थित आहेत. येथून त्यांनी असा दावा केला की ते अशरफ घनी हे देश सोडून गेल्यानंतर अफगानिस्तानचे काळजीवाहू अध्यक्ष आहेत. त्यांनी तालिबानपुढे झुकणार नसल्याचेही यापूर्वी म्हटले होते.

संबंधित बातमी: अमेरिकेचं उचललं मोठं पाऊल आणि तालिबान्यांच्या स्वप्नावर फेरलं पाणी

अमरुल्ला सालेहची काही छायाचित्रेही इंटरनेटवर सध्या फिरत आहेत. यामध्ये ते अहमद मसूदसोबत दिसत आहेत. तो तालिबानी बंडखोर नेता अहमद शाह मसूदचा मुलगा आहे. असा दावा केला जात आहे की मसूदच्या आवाहनावर अफगाण दलाचे सैनिक पंजशीरमध्ये जमा होत आहेत. अहमद शाह मसूदची 9/11 च्या हल्ल्यापूर्वी अल कायदा आणि तालिबानने हत्या केली होती.

येथूनच उत्तर आघाडीची स्थापना होत आहे, जी तालिबानविरोधी आघाडी असेल. उत्तर आघाडीचा झेंडाही पंजशीरमध्ये लहरताना दिसला. नॉर्दर्न अलायन्स ही एक लष्करी आघाडी आहे जी 1996 मध्ये स्थापन झाली. तालिबानविरुद्ध लढलेल्या या मोर्चाला इराण, भारत, ताजिकिस्तान, उझबेकिस्तान आणि तुर्कमेनिस्तानचाही पाठिंबा मिळाला. 1996 ते 2001 दरम्यान तालिबान या आघाडीमुळे संपूर्ण अफगानिस्तान काबीज करू शकला नाही.

अफगाणिस्तानचे राष्ट्रपती अशरफ घनी कुठे आहेत? कोणत्या देशाने दिला आश्रय?

यावेळी पंजशीरसाठी तालिबानचा लढा इतका सोपा होणार नाही, कारण तालिबानने आजूबाजूचे सर्व क्षेत्र काबीज केले आहेत आणि पूर्वीपेक्षा अधिक शक्तिशाली आहेत. एवढेच नाही तर त्याच्या दहशतवाद्यांकडे एकापेक्षा जास्त आधुनिक शस्त्रे आहेत.