न्यू डेव्हलपमेंट बँक भारतासह 5 देशांना करणार 15 अरब डॉलरची मदत

मुंबई : कोरोना संकटामुळे भारतासह जगाची अर्थव्यवस्था उद्ध्वस्त होत आहे. सरकार या संकटाला तोंड देण्यासाठी प्रयत्न करत आहेत. त्याचबरोबर आंतरराष्ट्रीय स्तरावरील बँकांनीही मदत करण्यास सुरवात केली आहे.

त्याअंतर्गत ब्रिक्स देशांनी स्थापन केलेली न्यू डेवेलपमेंट बँक (एनडीबी) आपल्या सदस्य देशांना 15 अरब डॉलर्सची मदत करणार आहे. ब्राझील, रशिया, भारत, चीन आणि दक्षिण आफ्रिका या ब्रिक्स देशांच्या परराष्ट्र मंत्र्यांच्या कोरोना विषाणू विषयी झालेल्या बैठकीनंतर रशियाचे परराष्ट्रमंत्री सेर्गी लावराव यांनी ही माहिती दिली. न्यू डेव्हलपमेंट बँकेच्या या निर्णयाचा फायदा भारतालाही होईल.

रशियाचे परराष्ट्रमंत्री सेर्गी लावराव म्हणाले की, "कोरोना विषाणूच्या साथीने संपूर्ण जगाला मोठा धक्का दिला आहे." हा धक्का कमी करण्यासाठी जगभरातील सरकार विविध उपाययोजना करीत आहेत. आमचा विश्वास आहे की आमच्या देशांच्या अर्थव्यवस्थांना ही मोठी मदत होईल. "

एशियन डेव्हलपमेंट बँक (एडीबी) देखील भारताला मदत करण्यासाठी पुढे आली आहे. अलीकडेच एडीबीचे अध्यक्ष मसातसुगु असाकावा यांनी अर्थमंत्री निर्मला सीतारमण यांच्याशीही चर्चा केली आहे. एडीबी बँक भारताला 2.2 अरब डॉलर (सुमारे 16,700 कोटी) चे पॅकेज देणार आहे.

कोरोनो विषाणूचा प्रादुर्भाव रोखण्यासाठी जागतिक बँकेने भारताला 1 अब्ज डॉलर्सच्या आपत्कालीन निधीस मान्यता दिली आहे. जागतिक बँकेच्या म्हणण्यानुसार, जागतिक बँक मदतीचा पहिला हप्ता 1.9 अरब डॉलर्सचा आहे. ज्यामधून 25 देशांना मदत केली जाईल. त्याचबरोबर आपत्कालीन आर्थिक मदतीचा सर्वाधिक वाटा भारताला दिला जाणार आहे. जो 1 अरब डॉलर्स आहे.