कच्च्या तेलाच्या किंमतीत मोठी घट, पाण्याच्या बाटलीपेक्षा ही कमी किंमत

मुंबई : कोरोनामुळे कच्च्या तेलाच्या किंमतीत ऐतिहासिक घट झाली आहे. अमेरिकेत, कच्च्या तेलाची किंमत बाटलीबंद पाण्यापेक्षा कमी म्हणजे म्हणजे प्रतिलिटर 77 पैसे इतकी होती. आंतरराष्ट्रीय बाजारात अमेरिकन वेस्ट टेक्सास इंटरमीडिएट कच्च्या तेलाची किंमत जवळपास शून्यावर आली, परंतु याचा अर्थ असा होत नाही की भारतात तेल स्वस्त होईल.

वर्षाच्या सुरूवातीस, कच्च्या तेलाचे प्रति बॅरल 67 डॉलर होते, म्हणजेच प्रतिलिटर 30.08 रुपये. त्याच वेळी, 12 मार्च रोजी, जेव्हा कोरोनाचे प्रकरण भारतात सुरू झाले तेव्हा कच्च्या तेलाची किंमत प्रति बॅरल 38 डॉलर म्हणजे 17.79 रुपये प्रतिलिटर झाली. त्याचवेळी 1 एप्रिल रोजी कच्च्या तेलाची किंमत प्रति बॅरल 23 डॉलर म्हणजे 11 रुपये प्रतिलिटरपर्यंत घसरली.

असे असूनही 1 एप्रिल रोजी दिल्लीतील पेट्रोलची आधारभूत किंमत 27 रुपये 96 पैसे निश्चित केली गेली. यात 22 रुपये 98 पैसे उत्पादन शुल्क लागू करण्यात आले. डीलरचे 3 रुपये 55 पैसे कमिशन जोडले गेले आणि त्यानंतर 14 रुपये 79 पैसे व्हॅटही जोडले गेले. आता एक लिटर पेट्रोलची किंमत 69 रुपये 28 पैसे झाली आहे. हेच कारण आहे की आंतरराष्ट्रीय बाजारात कच्चे तेल स्वस्त झाले असले तरी पेट्रोलच्या किंमतीसाठी आपल्याला जास्त पैसे द्यावे लागतात.

वास्तविक, मे महिन्यात तेलाचा करार नकारात्मक झाला आहे. याचा अर्थ असा आहे की खरेदीदार तेल घेण्यास नकार देत आहेत. खरेदीदार म्हणत आहेत की आता तेलाची गरज नाही. त्याच वेळी उत्पादन इतके वाढले आहे की तेल ठेवण्यासाठी जास्त जागा शिल्लक नाही. हे सर्व कोरोना महामारीमुळे झाले.

गाड्या जवळपास बंद आहेत. उद्योगधंदे आणि व्यवसाय बंद पडल्यामुळे तेलाचा वापर आणि मागणीही कमी आहे. कॅनडामध्ये काही तेल उत्पादनांची किंमत वजा मध्ये गेली आहे. सोमवारी जेव्हा बाजार सुरू झाला तेव्हा अमेरिकन वेस्ट टेक्सास इंटरमीडिएट कच्च्या तेलाची किंमत प्रति बॅरल 10.34 वर आली, जी 1986 नंतरची सर्वात नीचांकी पातळी आहे.

यानंतर, दुपारपर्यंत ते प्रति बॅरल दोन डॉलरच्या खाली आले आणि प्रति बॅरल 0.01 डॉलरपर्यंत घसरले. जरी अमेरिकेत कच्च्या तेलाची किंमत बाटलीबंद पाण्यापेक्षा कमी असली तरी भारतात आपल्याला पेट्रोल किंवा डिझेल विनामूल्य किंवा स्वस्त होत नाही.