Honda Activa ला टक्कर देण्यासाठी Tvs ने लॉन्च केली नवी Jupiter

मुंबई : देशातील दुचाकी उत्पादक TVS मोटर कंपनीने आज आपल्या लोकप्रिय स्कूटरची 125 सीसी आवृत्ती लाँच केली आहे. ज्याची किंमत 73,400 रुपये (एक्स-शोरूम दिल्ली) पासून सुरू होते. कंपनी आधीच या स्कूटरची 110 सीसी आवृत्ती विकत होती. कंपनीच्या मते, हे नवीन मॉडेल अशा अनेक वैशिष्ट्यांसह सुसज्ज आहे, जे सेगमेंटमध्ये प्रथमच देण्यात आले आहे.

टीव्हीएस ज्युपिटर 125 सीसीच्या विशेष वैशिष्ट्यांच्या यादीमध्ये नवीन एंट्री-इंटेली-गो टेक्नॉलॉजी, अलॉय व्हील्स, डिस्क ब्रेक, बिग-इन-सेगमेंट बूट, यूएसबी सॉकेट आणि एक्सटर्नल फ्यूल-फिलर लिड सारख्या वैशिष्ट्यांचा समावेश आहे. इंजिन म्हणून, स्कूटरला नवीन 124.8cc सिंगल-सिलिंडर एअर-कूल्ड इंजिन मिळते, जे 8.3 पीएस पॉवर आणि 10.5 एनएम पीक टॉर्क तयार करते. हे इंजिन CVT गिअरबॉक्ससह येते.

तीन रंगात उपलब्ध

टीव्हीएसचा दावा आहे की, ज्युपिटर 125 साठी पूर्णपणे नवीन चेसिस आणि फ्रेम देखील डिझाइन केली आहे, ज्यामुळे स्कूटर ऑरेंज, ग्रे आणि ब्लू या तीन रंग पर्यायांमध्ये उपलब्ध आहे. स्कूटरची डिलिव्हरी लवकरच सुरू होईल आणि भारतातील होंडा Active 125 आणि सुझुकी Access 125 सारख्या 125 सीसी सेगमेंट स्कूटरशी त्याची स्पर्धा असेल.

टीव्हीएस मोटर कंपनीचे संचालक आणि मुख्य कार्यकारी अधिकारी के.एन. राधाकृष्णन म्हणाले, ''2013 मध्ये सुरू झाल्यापासून, टीव्हीएस ज्युपिटर हे देशातील सर्वात लोकप्रिय स्कूटरपैकी एक आहे, ज्यामध्ये प्रथम श्रेणीतील अनेक वैशिष्ट्ये आहेत. आम्हाला विश्वास आहे की TVS ज्युपिटर 125 अशा उदयोन्मुख गरजांसाठी योग्य असेल.''