आता Facebook वर कोणीही तुमची हेरगिरी करु शकणार नाही... कसं ते जाणून घ्या

मुंबई : फेसबुक हा सर्वात पॉप्यूलर सोशल मीडियापैकी, एक आहे. जो जगभरातून सगळेच लोक वापरतात. येथे कंपनी आपल्या युजर्ससाठी वेगवेगळे फीचर्स आणत असते, तर काही फीचर्समध्ये चेंजेंस करत असते, ज्यामुळे युजर्सचा फीचर किंवा ते अॅप वापरण्याचा एक्स्पिरियंस बदलू शकतो. आता सध्या कंपनीने आपल्या एका फीचर्सला बंद करण्याचा निर्णय घेतला आहे. ज्यामागे कमी वापरात असलेले हे फीचर असल्याचं कंपनीने कारण सांगितले आहे.

 कंपनीच्या म्हणण्याप्रमाणे फेसबुक तुमच्या रिअल-टाइम लोकेशनचा मागोवा घेणाऱ्या अनेक सेवा बंद करत आहे. ज्यामध्ये जवळचे मित्र, लोकेशन हिस्ट्री आणि बॅकग्राऊंड लोकेशन समाविष्ट आहे.

द व्हर्जने नोंदवल्याप्रमाणे, ज्यांनी यापूर्वी हे वैशिष्ट्य वापरले आहे, त्यांना पाठवलेल्या अधिसूचनेत, टेक जायंटने सांगितले की, ते 31 मे रोजी या वैशिष्ट्यांशी संबंधित डेटा गोळा करणे थांबवेल आणि 1 ऑगस्ट रोजी कोणताही संग्रहित डेटा क्लिअर करेल.

मेटा प्रवक्ते एमिल वाझक्वेझ यांनी ईमेल केलेल्या निवेदनात म्हटले आहे, "कमी वापरामुळे आम्ही Facebook वरील काही लोकेशन आधारीत वैशिष्ट्ये काढून टाकत आहोत, तरीही लोक त्यांची स्थान माहिती कशी संकलित केली जाते आणि कशी वापरली जाते, हे व्यवस्थापित करण्यासाठी लोकेशन सेवा वापरू शकतात."

अहवालानुसार, याचा अर्थ असा नाही की, हे फीतर पूर्णपणे लोकेशन डेटा गोळा करणे बंद करेल. वापरकर्त्यांना दिलेल्या नोटमध्ये म्हटल्याप्रमाणे, Facebook ने सांगितले की ते "इतर अनुभवांसाठी लोकेशन माहिती संकलित करणे ते सुरू ठेवेल."

वापरकर्ते सेटिंग्ज आणि गोपनीयता मेनूमध्ये कोणताही जतन केलेला लोकेशन डेटा पाहू, तो डाउनलोड करुन ठेवू शकता कारण तो 1 ऑगस्टनंतर अॅपवरुन हटवला जाणार आहे. त्यामुळे यानंतर त्यांना तो डेटा मिळणार नाही.