World Cup चा फिवर; 80000... दिल्ली ते अहमदाबाद विमानाचे तिकीट पाहून डोळे गरगरतील

World Cup Final 2023:  वर्ल्डकपमधील फायनल महामुकाबला भारत आणि ऑस्ट्रेलिया (India-Austrailia) असा रंगणार आहे. अहमदाबादच्या  (Ahmedabad) नरेंद्र मोदी स्टेडियमवर हा सामना होणार आहे. सर्वत्र World Cup चा फिवर पहायला मिळत आहे. वर्ल्डकपसाठी दिल्ली अहमदाबाद विमानाचे तिकीटदर वाढले आहेत.  एका तिकीटासाठी 80 हजार मोजावे लागत आहेत (Delhi-Ahmedabad Air Fare) . 

19 नोव्हेंबरला अंतिम सामना होणार आहे.  यासाठी सर्व विमान कंपन्यांनी फ्लाइट तिकिटांच्या किमती अनेक पटींनी वाढवल्या आहेत. इंडिगोचे दिल्ली ते अहमदाबादचे परतीचे विमान तिकीट 79,761 रुपये आहे. सामान्य दिवसांच्या फ्लाइट तिकिटांच्या तुलनेत यामध्ये 10 पट वाढ झाली आहे. अचानक फ्लाईट तिकीटांचे दर वाढल्याने क्रिकेटप्रेमींची चिंता तर वाढली.  क्रिकेटप्रेमींमद्ये  फायनलची क्रेझही पहायला मिळत आहे. 

फक्त दिल्लीच नाही, तर अहमदाबादमध्ये भारतातील इतर शहरांमधीलही विमान तिकीटंचे दर वाढले आहेत. दिल्ली, मुंबई, बेंगळुरू आणि कोलकाता ते अहमदाबाद मार्गावर, दोन्ही बाजूंचे विमानांचे प्रवासी भाडे 35 हजार ते 80 हजार रुपयांच्या दरम्यान आहे, जे नियमित दरांपेक्षा खूप जास्त आहे.

विस्तारा एअरलाइन्सने दिल्ली ते अहमदाबादला जाणाऱ्या प्रवाशांसाठी दिल्ली आणि अहमदाबाद दरम्यानच्या फ्लाइटचे  तिकीट वाढवले आहेत. सकाळी 7.30 वाजता आणि दिल्ली ते अहमदाबाद 6.35 वाजता परतीचे भाडे म्हणजेच दिल्ली-अहमदाबाद परतीचे तिकीट प्रति व्यक्ती 61,122 रुपये आहे. तर, दिल्लीहून अहमदाबादला स्पाइसजेटने सकाळी 6.45 वाजता आणि इंडिगोने परतीचे भाडे 57,230 रुपये इतके आहे. 

19 नोव्हेंबर रोजी, मुंबई ते अहमदाबाद आकासा आणि इंडिगो एअरलाइन्सद्वारे परतीचे आणि परतीचे भाडे 34,294 रुपये आहे. तर, या मार्गावरील इंडिगो एअरलाइन्सचे परतीचे आणि परतीचे तिकीट 41,588 रुपये आहे.  दोन वेगवेगळ्या वेळी या मार्गावरील दोन्ही बाजूचे तिकीट 43, 662 आणि 55,661 इतके आहे.  इंडिगो बेंगळुरू आणि अहमदाबादसाठी 57,431 रुपये आणि 59,431 रुपये असा प्रकारचे द्विमार्गी हवाई तिकिट आकारले जात आहे. तर, कोलकाता ते अहमदाबाद दरम्यानचे हवाई भाडे 40 हजार ते 80 हजार रुपयांच्या दरम्यान आहे. वर्ल्ड कप फायनल मॅचमुळे अहमदाबाद आणि परतीचे विमान भाडे 35 हजार रुपयांवरून 80 हजार रुपये झाले आहे, तर दिल्ली ते पॅरिस दरम्यानचे विमान भाडे आहे. 65,055 रुपये आहे. 

वर्ल्ड कपमध्ये भारत आणि ऑस्ट्रेलिया यांच्यात महामुकाबला होणारंय. या मॅचमधील विजेता संघ जगज्जेता ठरणारंय. अहमदाबादच्या नरेंद्र मोदी स्टेडियमवर ही मॅच होणारंय. भारतानं सलग वर्ल्डकपमध्ये 10 मॅचेस जिंकल्या आहेत आता फायनल मॅच जिंकून भारत नवा इतिहास घडवण्यासाठी सज्ज झालाय. भारतानं आतापर्यंत 1983 आणि 2011 साली वर्ल्डकप विजयाची किमया साधलीय. तर ऑस्ट्रेलियानं तब्बल 5 वेळा वर्ल्डकप जिंकलाय. आता ऑस्ट्रेलियाला मात देऊन वर्ल्डकपवर नाव कोरणं हेच टीम इंडियाचं लक्ष्य असेल.