तालिबानने पाकिस्तान क्रिकेट बोर्डाला दिली ही ऑफर

मुंबई : न्यूझीलंडनंतर इंग्लंड क्रिकेट बोर्डानेही पाकिस्तान क्रिकेट बोर्डाला धक्का दिला आणि पाकिस्तानमध्ये मालिका खेळण्यास नकार दिला. यामुळे पाकिस्तान क्रिकेट बोर्डाचे खूप नुकसान झाले, परंतु अफगाणिस्तानातील तालिबानी सत्तेने पाकिस्तान क्रिकेट बोर्डाला ऑफर दिली आहे. अफगाणिस्तान क्रिकेट बोर्डाचे नवे प्रमुख अजीजुल्लाह फाजली यांनी म्हटले आहे की आम्हाला पाकिस्तानचे यजमानपद हवे आहे.

अलीकडेच नियुक्ती झालेल्या अफगाणिस्तान क्रिकेट बोर्डाचे अध्यक्ष अजीजुल्लाह फाजली यांनी सांगितले की, वनडे सामन्यांसाठी पाकिस्तान संघाला आमंत्रित करण्यासाठी ते पाकिस्तानचा दौरा करणार आहेत.

रशीद खान सारख्या खेळाडूंमुळे अफगाणिस्तान आंतरराष्ट्रीय क्रिकेटमध्ये वर्षानुवर्षे झपाट्याने वाढला आहे, परंतु तालिबान्यांनी देश ताब्यात घेतल्यानंतर संघावर बहिष्कार घालण्याचे आवाहन करण्यात आले आहेत.

अफगाणिस्तानच्या तालिबानी सरकारने आतापर्यंत उचललेल्या पावलांमुळे आगामी काळात कसोटी सामन्यांमध्ये अफगाणिस्तानच्या सहभागावर प्रश्नचिन्ह निर्माण झाले आहे. आयसीसीच्या नियमानुसार, सक्रिय महिला संघ देखील आवश्यक आहे, परंतु महिला क्रिकेटवर तालिबानने बंदी घातली आहे. तालिबानने अद्याप महिलांनी खेळ खेळण्याबाबत धोरण जारी केलेले नाही, परंतु एका वरिष्ठ अधिकाऱ्याने ते आवश्यक नसल्याचे म्हटले आहे.

एसीबीचे नवे प्रमुख बनलेले फाजली यांनी असे विषय टाळले आणि इतर प्रादेशिक क्रिकेट शक्तींना भेट देण्याची त्यांची योजना असल्याचे सांगितले. ते म्हणाले, "मी 25 सप्टेंबरपासून पाकिस्तानचा दौरा करत आहे आणि त्यानंतर भारत, बांगलादेश आणि संयुक्त अरब अमिरातला जाऊन क्रिकेट मंडळाच्या अधिकाऱ्यांना भेटणार आहे. आम्हाला अफगाणिस्तान क्रिकेट सुधारण्याची इच्छा आहे, इतर देशांच्या सहकार्याने ते सुधारू शकतील.''

तालिबानने महिलांना क्रिकेट खेळण्याची परवानगी दिल्याशिवाय नोव्हेंबरमध्ये ब्रिस्बेन येथे होणारी अफगाणिस्तानविरुद्धचा कसोटी सामना रद्द करण्याचा इशारा ऑस्ट्रेलियाने आधीच दिला आहे. आम्ही त्यांना होस्ट करणार नाही. हमीद शिनवारीला तालिबानने अफगाणिस्तान क्रिकेट बोर्डाच्या मुख्य कार्यकारी पदावरून 21 सप्टेंबर रोजी काढून टाकले होते.