IND vs NZ : Virat Kohli चा 'हा' निर्णय टीम इंडियासाठी ठरला घातक

मुंबई : न्यूझीलंड विरूद्ध टीम इंडिया टी 20 वर्ल्ड कपच्या दुसऱ्या सामन्यातही 8 विकेट गमावून पराभव स्विकारला. या मॅचमध्ये टॉस जिंकून न्यूझीलंडने पहिल्यांदा गोलंदाजीचा निर्णय घेतला. या सामन्यात भारतीय फलंदाजांनी पुन्हा एकदा लाजीरवाण प्रदर्शन केलं. टीम इंडिया आपल्या 20 ओव्हरमध्ये फक्त 110 धावा केल्या. या सामन्यात भारतीय संघाच्या पराभवासाठी विराट कोहलीचा 'तो' एक निर्णय महत्वाचा ठरला. 

'या' निर्णयामुळे भारतीय संघाच्या परदी निराशाच

न्यूझीलंडविरुद्ध भारतीय संघ पूर्णपणे फ्लॉप ठरला. या महत्त्वाच्या सामन्यात कर्णधार विराट कोहलीने एवढा प्रयोग केला की त्याला फार कमी धावसंख्येची किंमत मोजावी लागली. खरे तर विराट कोहलीने या महत्त्वाच्या सामन्यात भारताच्या फलंदाजीचा क्रम पूर्णपणे बदलून टाकला. एवढ्या मोठ्या सामन्यात हा प्रयोग वापरणे टीम इंडियासाठी जबरदस्त होते.

विराट कोहलीचा मोठा प्रयोग 

या सामन्यात टीम इंडियाची टॉप ऑर्डर पूर्णपणे बदलली. या सामन्यात जगातील सर्वोत्तम सलामीवीर मानला जाणारा रोहित शर्मा सलामीलाही आला नाही. रोहितच्या जागी केएल राहुलसोबत इशान किशनला खेळवण्यात आलं. हा प्रयोग पूर्णपणे अपयशी ठरला. महत्वाचं म्हणजे इशान अवघ्या 4 धावा करून बाद झाला. तेव्हापासून संपूर्ण फलंदाजीचा क्रम उतरणीला लागला. तिसऱ्या क्रमांकावर आलेला रोहित, सलामीवीर राहुल आणि कर्णधार विराट कोहली हे सर्व पूर्णपणे अपयशी ठरले.

पत्त्यांप्रमाणे कोलमडा भारतीय संघ 

या सामन्यात भारतीय फलंदाज पत्त्यासारखे विखुरले गेले. या सामन्यात रोहित शर्मा, केएल राहुल, इशान किशन आणि कर्णधार विराट कोहली पूर्णपणे फ्लॉप झाले. राहुल अवघ्या 14 धावा करून बाद झाला. इशान किशनने फक्त 4 धावा आल्या. त्याचवेळी रोहित शर्मा 14 धावा करून परतला आणि विराट कोहलीने एकूण 9 धावा केल्या. कोहलीच्या पाठोपाठ ऋषभ पंत 12 धावा करून बाद झाला.