सुरेश रैनाने विराट कोहलीच्या संदर्भात केली 'ही' भविष्यवाणी

नवी दिल्ली : टीम इंडियातील स्टार बॅट्समन सुरेश रैना सध्या टीममधून बाहेर आहे. मात्र, सुरेश रैना याने कॅप्टन विराट कोहलीसंदर्भात एक भविष्यवाणी केली आहे.

सुरेश रैनाच्या मते, विराट कोहली हा माजी कॅप्टन महेंद्र सिंग धोनी याच्याप्रमाणेच कॅप्टनशीप करत आहे. विराट कोहली हा धोनीप्रमाणेच यश प्राप्त करु शकतो.

विराट कोहली हा सुद्धा धोनीप्रमाणे लवकर पराभव स्विकारत नाही असेही रैनाने म्हटलं आहे. सुरेश रैना सध्या चेन्नईमध्ये कलपती-एजीएस-बूची बाबु टूर्नामंटे खेळत आहे. येथील एम. ए. चिदंबरम स्टेडियममध्ये प्रॅक्टीस करत असताना रैनाने म्हटले की, या मैदानासोबत टीम इंडियाच्या आठवणी जोडल्या आहेत.

सुरेश रैना टीम इंडिया आणि चेन्नई सुपर किंग्ससाठी या मैदानात अनेक मॅचेस खेळला आहे. टीम इंडियातून बाहेर असलेला रैना आपली फिटनेस मजबूत बनविण्यासाठी मेहनत घेत आहे. मात्र, रैना नॅशनल क्रिकेट अकॅडमीमध्ये यो-यो फिटनेस टेस्ट फेल झाला आहे.