शेन वॉर्नला बॅड बॉय ऑफ क्रिकेट म्हणण्यामागे काय कारण?

मुंबई : शुक्रवारी ऑस्ट्रेलियाचा दिग्गज खेळाडू आणि स्पिनर शेन वॉर्नचं निधन झालं. वयाच्या 52 व्या वर्षी त्याने अखेरचा श्वास घेतला. थायलंडमध्ये हार्ट अटॅकने त्याचं निधन झाल्याची माहिती आहे. जवळपास 15 वर्षांच्या कारकिर्दीत त्याने अनेक रेकॉर्ड्स केले. मात्र मैदानाच्या बाहेरही त्याचं नाव खूप चर्चेत होतं. त्याला बॅड ब्वॉय ऑफ क्रिकेट म्हटलं जात होतं.

पार्टीमध्ये बोलावल्या होत्या सेक्स गर्ल

मिडीया रिपोर्ट्सनुसार, एकदा रात्री पार्टी आणि दंगा करण्यावरून शेन वॉर्नची पोलिसांमध्ये तक्रार करणयात आली होती. पोलीस जेव्हा त्याठिकाणी पोहोचले तेव्हा तिथे सेक्स गर्ल दिसल्या होत्या. यावेळी वॉर्नला खूप टीकांचा सामना करावा लागला होता. 

नर्सला मेसेज करणं पडलं महागात

2000 साली शेन वॉर्नवर ब्रिटिश नर्स डोना राइट हिने अश्लील मेसेजेस पाठवल्याचा आरोप केला होता. यानंतर वॉर्नला ऑस्ट्रेलिया टीमचं उपकर्णधारपद सोडावं लागलं होतं. वॉर्नने तिच्यावर संबंध ठेवण्यासाठी दबाव टाकल्याचा आरोप डोनाने केला आहे. 

अनेक मॉडल्ससोबत जोडलं नाव

अनेक मोठ्या मॉडेल्ससोबत स्पिनर खेळाडू शेन वॉर्नचं नाव जोडलं गेलं आहे. ब्रिटीश अभिनेत्री लिझ हार्ले हिच्याशीही संबंध असल्याचं समोर आलं आहे. त्याचवेळी दक्षिण आफ्रिकेतील एका महिलेने वॉर्नवर विनयभंग केल्याचा आरोप केला होता. मिळालेल्या माहितीनुसार, शेन वॉर्नच्या एकाच वेळी तीन गर्लफ्रेंड्स होत्या.

न्यूड फोटो झालेले व्हायरल

2006 मध्ये एका सेक्स स्कँडलमध्ये शेन वॉर्नचं नाव समोर आलं होतं. एमटीव्ही प्रेझेंटर्स कोराली इकोल्ट्झ आणि एम्मा या दोघींसोबतचे त्याचे न्यूड फोटो व्हायरल झाले होते. असा वॉर्नचा फोटो एका ब्रिटीश मॅगझिनमध्ये छापण्यातही आला होता.