गड आला पण...! टीम इंडियाला मोठा धक्का, पहिल्याच सामन्यात कॅप्टन Rohit Sharma जखमी

Ireland vs India : टी-ट्वेंटी विश्वचषक स्पर्धेत (T20 World Cup 2024) टीम इंडियाने विजयाने सुरुवात केली आहे. न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर झालेल्या पहिल्या सामन्यात भारतीय संघाने आयर्लंडचा 8 गडी राखून पराभव केला. टॉस जिंकून प्रथम फलंदाजी करणाऱ्या आयर्लंडचा संघ 16 षटकांत सर्वबाद 96 धावांवर आटोपला. प्रत्युत्तरात टीम इंडियाने 12.2 षटकांत दोन गडी गमावून लक्ष्य गाठले. भारताकडून कर्णधार रोहित शर्माने 52 धावा केल्या. तर हार्दिक पांड्याने 3 गडी बाद केले. पहिला विजय मिळवून टीम इंडियाने 2 गुण खात्यात जमा केले आहेत. पण टीम इंडियासाठी गड आला खरा पण सिंह मात्र जायबंदी झालाय. होय, रोहित शर्मा (Rohit Sharma retired hurt) पहिल्याच सामन्यात दुखापग्रस्त झालाय.

झालं असं की, रोहित शर्माने आयर्लंडविरुद्ध खेळताना 36 चेंडूत आपल्या टी-ट्वेंटी आंतरराष्ट्रीय कारकिर्दीतील 30 वं अर्धशतक पूर्ण केलं. मात्र, ओव्हर संपताच तो फिजिओसोबत मैदानाबाहेर गेला. आधीच्या ओव्हरमध्ये एक बॉल रोहितच्या उजव्या हातावर बसला. त्यामुळे त्याला फिजिओची मदत घ्यावी लागली. मात्र, मैदानात उपचार केल्यानंतर देखील रोहित शर्माने मैदान सोडलं. त्यामुळे सर्वांनाच धडकी भरली. रोहित शर्मा रिटायर्ड हर्ट झाल्यानंतर सूर्यकुमार मैदानात आला होता.

Rohit Sharma retired hurt after the ball hit his shoulder
52 runs from just 37 balls

TRENDING NOW

news

This is a POOR pitch, wonder how you can play World Cup in USA#RohitSharma #INDvIRE #INDvsIRE #T20WorldCup #T20WC pic.twitter.com/xQUzuMHxXz

— Praneet Samaiya (@praneetsamaiya) June 5, 2024

रोहित शर्माने रचला इतिहास

रोहित शर्माने आंतरराष्ट्रीय क्रिकेटमध्ये मोठा पराक्रम नावावर केला आहे. टी-20 क्रिकेटमध्ये 4000 धावा पूर्ण केल्या आहेत. आयर्लंडविरुद्ध 26 धावा करत रोहितने विक्रमाला गवसणी घातली आहे. विराट कोहली आणि बाबर आझमनंतर ही कामगिरी करणारा तिसरा खेळाडू आहे. रोहित शर्माने टी-20 विश्वचषकाच्या इतिहासात आतापर्यंत 40 सामने खेळले आहेत. यात त्याने एकूण 988 धावा केल्या आहेत.

टीम इंडिया (प्लेइंग इलेव्हन) : रोहित शर्मा (C), विराट कोहली, ऋषभ पंत (WK), सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, जसप्रीत बुमराह, अर्शदीप सिंग, मोहम्मद सिराज.

आयर्लंड (प्लेइंग इलेव्हन) : पॉल स्टर्लिंग (C), अँड्र्यू बालबर्नी, लॉर्कन टकर (WK), हॅरी टेक्टर, कर्टिस कॅम्फर, जॉर्ज डॉकरेल, गॅरेथ डेलेनी, मार्क एडेअर, बॅरी मॅककार्थी, जोशुआ लिटल, बेंजामिन व्हाइट.