PAK vs NZ सामन्यात मैदानात घुसला नग्न व्यक्ती अन्...; पाहा पुढे काय झालं

Pakistan vs New Zealand Tri Series: टी-20 विश्वचषकापूर्वी (T20 Worldcup) न्यूझीलंड, पाकिस्तान आणि बांगलादेश यांच्यात तिरंगी मालिका खेळवली जात आहे. या एपिसोडमध्ये 8 ऑक्टोबर रोजी पाकिस्तान आणि न्यूझीलंड (PAK vs NZ) यांच्यात सामना झाला. ज्यामध्ये पाकिस्तानने 6 विकेट्सने विजय मिळवला. मात्र या सामन्यादरम्यान एक घटना घडली. ज्याने सर्वांचे लक्ष वेधून घेतले. जेव्हा एक नग्न माणूस सामन्यादरम्यान मैदानाच शिरला आहे. (PAK vs NZ match man entered the field without clothes tri series live match) 

Live सामन्यात थेट घुसला 

पाकिस्तान आणि न्यूझीलंडच्या (PAK vs NZ) सामन्यादरम्यान एक व्यक्ती कपड्यांशिवाय मैदानात शिरल्याचे पाहून तेथे उपस्थित असलेले सर्वच आश्चर्यचकित झाले. ही घटना घडली त्यावेळी पाकिस्तानची फलंदाजी सुरू होती आणि कर्णधार बाबर आझम खेळत होता. बाबर आझम (Babar Azam) आणि शादाब खान (Shadab Khan) फलंदाजी करत असताना ही व्यक्ती मैदानात आली. या व्यक्तीने मैदानात चारीबाजूने फेऱ्या मारल्या. त्यानंतर या व्यक्तीला ताब्यात घेण्यात आले. 

सामना मध्येच थांबवावा लागला

या व्यक्तीने मैदानात प्रवेश करताच सामना 10 मिनिटे मध्येच थांबवावा लागला. लाइव्ह मॅच दरम्यान एखादी व्यक्ती आत येण्याची ही पहिलीच घटना नाही. 2020 मध्ये पाकिस्तान आणि न्यूझीलंड (PAK vs NZ) सामन्यादरम्यान अशीच एक घटना दिसली होती.

वाचा : IND vs SA: टीम इंडियाच्या विजयानंतर कर्णधार धवनचे मोठे वक्तव्य; म्हणाला, नाणेफेक हरल्यानंतर... 

पाकिस्तानने सामना जिंकला

पाकिस्तानने न्यूझीलंडचा 6 गडी राखून पराभव करत तिरंगी मालिकेच्या अंतिम फेरीत धडक मारली. बाबर आझम आणि मोहम्मद रिझवान (Mohammad Rizwan) T20 विश्वचषकापूर्वी पाकिस्तानसाठी खूप धावा करत आहेत. बाबरने न्यूझीलंडविरुद्ध 79 धावांची खेळी खेळली होती. तो T20 क्रिकेटमधील धडाकेबाज फलंदाजीसाठी प्रसिद्ध आहे.