मेरी कॉमने रचला इतिहास, देशासाठी जिंकलं एशियन चॅम्पियन्समध्ये गोल्ड

नवी दिल्ली : पाचवेळा वर्ल्ड चॅम्पियन राहिलेली भारतीय बॉक्सर एम.सी.मेरीकॉमने एशियाई बॉक्सिंग चॅम्पियन स्पर्धेत सुवर्ण पदक मिळवलं आहे. मेरीकॉमने हा सुवर्ण पंच ४८ किली वयोगटात लगावला आहे.

मेरीकॉम उत्तर कोरियाच्या बॉक्सरला ५-० ने मात दिली. यासोबतच एशियाई गोल्ड पुन्हा भारतात आणण्याचं स्वप्न तिने पूर्ण केलंय.

मणिपूरची मेरीकॉम ही तीन मुलांची आई आहे. आणि तिने तब्बल १ वर्षांच्या गॅपनंतर बॉक्सिंग रिंगमध्ये वापसी केली आहे. याआधी मेरीकॉमने मंगळवारी एशियन चॅम्पियनशिपच्या फायनलमध्ये प्रवेश मिळवला. मेरी कॉमने जपानच्या तसुबासा कोमुराला ५-० ने मात देत फायनलमध्ये जागा मिळवली होती. आपल्या अनुभवाच्या जोरावर तिने या बॉक्सर्सना सहज मात दिली.