IPL 2021: पृथ्वी शॉच्या गर्लफ्रेंडनं रोमँटिक कमेंट करत शेअर केला फोटो

मुंबई: दिल्ली कॅपिटल्स संघाचा पंजबासोबत नुकताच रविवारी सामना झाला. या सामन्यात दिल्ली संघाने 6 विकेट्सनं सामना जिंकला आहे. या सामन्यात पृथ्वी शॉनं 17 बॉलमध्ये 32 धावा केल्या आहेत. त्याने आपल्या खेळीनं सगळ्या चाहत्यांची मन जिंकली होती. यावेळी पृथ्वी शॉच्या गर्लफ्रेंडनं एक फोटो शेअर करत पुन्हा एकदा रोमँटिक कमेंट केली आहे. या कमेंटमुळे या दोघांची पुन्हा एकदा चर्चा होत आहे. 

प्राची सिंह आणि पृथ्वी शॉ एकमेकांवर प्रेम करत असल्याची चर्चा असतानाच तिने पुन्हा एकदा पृथ्वीचा फोटो स्टेटसला ठेवून हार्टचे इमोजी असलेलं साइन शेअर केलं आहे. ते दोघंही एकमेकांना डेट करत असल्याची चर्चा असली तरी दोघांनीही या गोष्टीवर अद्यापही मौन धरल्याचं पाहायला मिळत आहे. 

प्राची सिंहने दुसऱ्यांदा अशा पद्धतीचं स्टेटस ठेवलं आहे. पहिल्या सामन्या दरम्यान देखील पृथ्वीचा फोटो स्टेटसला अपलोड करून तिने स्टेटस ठेवलं होतं. तिने ठेवलेला हा फोटो आणि दिलेलं कॅप्शन बऱ्याच गोष्टी नकळत सांगून जातात. आयपीएलच्या 2020 च्या हंगामात प्राची सिंह आणि पृथ्वी शॉ एकमेकांना डेट करत असल्याची चर्चा होती. 

शिखर धवनचा दिल्ली संघाला विजय मिळवून देण्यात मोठा वाटा आहे. शतक हुकलं असलं तरी त्याने 92 धावा केल्या आणि सामन्यावर आपली पकड मजबूत केली. पंजाबने दिल्लीला 196 धावांचं लक्ष्य दिलं होतं. दिल्ली संघाने हे लक्ष्य पूर्ण करत 6 विकेट्सने पंजाबवर दणदणीत विजय मिळवला आहे.