IND vs AUS: शतक पूर्ण करून परतल्यावर गंभीरने विराटला मारली मिठी, बीसीसीआयने शेअर केला भावनिक Video

Gambhir Hug Virat Video Viral: भारत आणि ऑस्ट्रेलिया यांच्यातील पहिल्या कसोटीच्या तिसऱ्या दिवशी भारताचा स्टार फलंदाज विराट कोहलीने शानदार शतक झळकावून इतिहास रचला. त्याने कारकिर्दीतील 30 वे कसोटी शतक पूर्ण केले. ऑस्ट्रेलियाच्या भूमीवर विराटचे हे सातवे कसोटी शतक आहे. आम्ही तुम्हाला सांगतो की या ऑस्ट्रेलिया दौऱ्यापूर्वी विराटचा फॉर्म टीम इंडियासाठी सर्वात मोठा चिंतेचा विषय होता, ज्याला कोहलीने शतक पूर्ण करून सर्वांना तणावमुक्त केले. शतक पूर्ण केल्यानंतर विराट ड्रेसिंग रूममध्ये गेला तेव्हा मुख्य प्रशिक्षक गौतम गंभीरने त्याला मिठी मारली.

विराटच्या शतकाने सगळेच झाले आनंदी 

पर्थ कसोटीच्या दुसऱ्या डावात 100 धावा केल्यानंतरही विराट नाबाद राहिला. त्याच्या शतकानंतर सगळ्यांच्याच आनंदाला सीमा नव्हती. या शतकाचा आनंद स्टँडवर बसलेल्या पत्नी अनुष्का शर्माच्या चेहऱ्यावर स्पष्ट दिसत होता. विराटने अनुष्काला 'फ्लाईंग किस' देऊन शतकांचे सेलिब्रेशन केले. 

हे ही वाचा: 'देशासाठी खेळण्याचा मला अभिमान आहे....', किंग कोहलीने मोडला 'हा' मोठा विक्रम; जिंकली करोडो भारतीय चाहत्यांची मने

Petition to bring Anushka bhabhi in every Virat's match #ViratKohli pic.twitter.com/uCB08Evcka

— PURNENDU PANDEY (@medme__) November 24, 2024

कोच गंभीरने मारली मिठी 

बीसीसीआयच्या त्याच्या अधिकृत सोशल मीडिया हँडलने एक खास व्हिडीओ शेअर केला आहे, जो भारतीय क्रिकेट चाहत्यांच्या चेहऱ्यावर नक्कीच आनंद  आणेल. व्हिडीओमध्ये पडद्यामागील एक झलक दाखवण्यात आली आहे, ज्यामध्ये कोहलीच्या पॅव्हेलियनमध्ये परतल्यानंतरचे प्रत्येक क्षण टिपण्यात आले आहेत. आपले शतक पूर्ण केल्यानंतर कोहलीचे ड्रेसिंग रूममधून टाळ्यांच्या कडकडाटात स्वागत करण्यात आले, ज्यामध्ये ऋषभ पंत, जसप्रीत बुमराह आणि इतर भारतीय खेळाडू उभे होते. ऋषभ पंतने सगळ्यात आधी कोहलीला मिठी मारून त्याचे अभिनंदन केले. 

हे ही वाचा: IPL 2025 Mega Auction: 'मी या किमतीला पात्र...', लिलावात १८ कोटी मिळाल्यानंतर युझवेंद्र चहलने केले मोठे वक्तव्य

Raw emotions from the dugout as Virat Kohli reaches his 30th Test TON

This one's a treat for the eyes #TeamIndia | #AUSvIND | @imVkohli pic.twitter.com/PD2kCIgvRk

— BCCI (@BCCI) November 24, 2024

हे ही वाचा: मेगा लिलावाच्या पहिल्या दिवसाची काय काय घडलं? बघा Video

परंतु , सर्वात लक्षात राहणारा क्षण म्हणजे टीम इंडियाचे मुख्य प्रशिक्षक गौतम गंभीर यांचा. जेव्हा विराट कोहली आत येत होता तेव्हा गंभीरने धावत जाऊन त्याला मिठी मारली. यातून दोघांमधील मैत्रीही दिसून येते. बीसीसीआयने या क्षणाचा व्हिडीओ शेअर केला आहे, ज्यावर चाहतेही खूप कमेंट्स करत आहेत.