IPL च्या दुसऱ्या सत्राआधी क्रिकेटप्रेमींसाठी बॅडन्यूज

मुंबई : आयपीएल 2021 चा दुसरा टप्पा सुरू होण्यास फक्त काही दिवस शिल्लक आहेत. दरम्यान, एक अशी बातमी आली आहे जी अनेक क्रिकेट चाहत्यांसाठी बॅडन्यूज आहे. 2 स्टार खेळाडूंनी आयपीएलमधून नाव मागे घेतले आहे.

सनरायझर्स हैदराबादचा  (Sunrisers Hyderabad)  सलामीवीर जॉनी बेअरस्टो  (Jonny Bairstow) आणि पंजाब किंग्जचा (Punjab Kings) फलंदाज डेव्हिड मलान (Dawid Malan) यांनी वैयक्तिक कारणांमुळे आयपीएल 2021 मधून माघार घेण्याचा निर्णय घेतला आहे. हे दोन्ही खेळाडू सध्याच्या इंग्लंड क्रिकेट संघाचा भाग आहेत.

इंग्लंड आणि भारतीय टीमच्या खेळाडूंना त्यांच्या आयपीएल संघांमध्ये सामील होण्यासाठी चार्टर प्लेनमधून 'बबल टू बबल ट्रान्सफर' व्हावे लागले. भारतीय शिबिरात कोरोना विषाणूच्या संसर्गामुळे दोन्ही देशांदरम्यान खेळला जाणारा 5 वा कसोटी सामना पुढे ढकलल्यानंतर, फ्रँचायझी संघांना खेळाडूंच्या प्रवासाची व्यवस्था स्वतः करावी लागते.

भारतीय संघाचे सहाय्यक फिजिओ योगेज परमार यांना कोरोना विषाणूची लागण झाल्यानंतर 5 वी कसोटी अनिश्चित काळासाठी पुढे ढकलण्यात आली. यापूर्वी, भारताचे सहाय्यक कर्मचारी, मुख्य प्रशिक्षक रवी शास्त्री यांच्यासह, ओव्हलमधील चौथ्या कसोटी दरम्यान चाचणीमध्ये कोविड -19 पॉझिटिव्ह आल्यानंतर आधीच क्वारंटाईन ठेवण्यात आले आहे.

दुबईत येणाऱ्या सर्व खेळाडूंना आता 6 दिवस क्वांरटाईन ठेवणे आवश्यक आहे आणि बेअरस्टो आणि मलान लीगमधून बाहेर पडण्याचे हे एक कारण असू शकते. बीसीसीआयच्या एका अधिकाऱ्याने पीटीआयला सांगितले की, दोन्ही खेळाडू 19 सप्टेंबरपासून पुन्हा खेळल्या जाणाऱ्या आयपीएलचा भाग होणार नाहीत.

ख्रिस वोक्सवरही सस्पेन्स
बेअरस्टोने या आयपीएल 2021 च्या सात सामन्यांत 141 पेक्षा जास्त स्ट्राईक रेटने 248 धावा केल्या. बेअरस्टो आणि मालन हे दोघेही मँचेस्टरमधील इंग्लंड कसोटी संघाचा भाग होते. आयपीएलमध्ये इंग्लंडचा अष्टपैलू ख्रिस वोक्सच्या उपस्थितीवरही सस्पेन्स कायम आहे, तो दिल्ली कॅपिटल्सकडून खेळतो.
 
बायो-बबलमध्ये जगण्याचे आव्हान पाहून खेळाडू प्रभावित होत आहेत. आयपीएल 2021 नंतर टी 20 विश्वचषक देखील यूएईमध्ये आयोजित केला जाणार आहे. अशा परिस्थितीत जे खेळाडू आयपीएलमधून माघार घेतील त्यांना कुटुंबासोबत अधिक वेळ घालवण्याची संधी मिळेल. हे दोन्ही खेळाडूंनी माघार घेतल्यानंतर आणखी काही खेळाडू ही माघार घेतात का ? याकडे ही लक्ष लागून आहे.