LIVE TV

English हिन्दी বাংলা தமிழ் മലയാളം ગુજરાતી తెలుగు ಕನ್ನಡ ਪੰਜਾਬੀ

PHOTO : विवेकानंद रॉक मेमोरियल अचानक का आलं चर्चेत? जाणून घ्या भारताच्या दक्षिणेकडील टोकाचे वैशिष्ट्यं

Vivekananda Rock Memorial : निवडणुकीचा प्रचार संपल्यानंतर पंतप्रधान नरेंद्र मोदी खास ठिकाणी जाऊन ध्यान करतात. यंदा ते कुठे ध्यानासाठी बसणार आहे याची चर्चा रंगली आहे.

May 29, 2024, 10:18 AM IST

1/15

2014 च्या निवडणुकीचा प्रचार संपल्यानंतर पंतप्रधान नरेंद्र मोदी यांनी महाराष्ट्रातील प्रतापगडाला भेट दिली होती. त्यानंतर 2019 च्या निवडणुकीचा प्रचार संपल्यानंतर मोदी केदारनाथच्या रुद्र गुहेत ध्यान केलं होतं.

2/15

यंदा ते कन्याकुमारी विवेकानंद रॉक मेमोरियलमध्ये ध्यानसाठी बसणार आहे. 30 मे रोजी रात्री ते तामिळनाडूतील कन्याकुमारीला पोहोचणार आहेत. तिथे ते 1 जूनच्या संध्याकाळपर्यंत, स्वामी विवेकानंदांनी ज्या ठिकाणी ध्यानमंडपममध्ये ध्यान करण्यासाठी बसले होते त्या स्थळी ते रात्रंदिवस ध्यान करणार आहेत.

3/15

विवेकानंद रॉक मेमोरियल हे तामिळनाडूच्या कन्याकुमारी शहरातील प्रसिद्ध पर्यटन स्थळ असून सूर्यास्ताचं मनमोहक दृश्यं पाहण्यासाठी जगभरातून पर्यटक गर्दी करतात.

4/15

असं म्हणतात की, 1892 मध्ये स्वामी विवेकानंद कन्याकुमारीला आले होते. पोहत ते एका प्रचंड खडकावर आले आणि या निर्जन स्थळी ते जीवनाचे ध्येय गाठण्यासाठी ध्यानासाठी बसले होते.

5/15

स्वामी विवेकानंदांचा अमर संदेश प्रत्यक्षात आणण्यासाठी 1970 मध्ये या खडकावर एक भव्य स्मारक इमारत बांधण्यात आली. समुद्राच्या लाटांनी वेढलेल्या या खडकापर्यंत पोहोचणे हा एक वेगळावेगळा अनुभव असतो.

6/15

स्मारक इमारतीचा मुख्य दरवाजा अतिशय सुंदर असून अजिंठा-एलोरा लेण्यांतील दगडी शिल्पांतून त्याची वास्तू निर्माण झालीय.

7/15

लाल रंगाच्या दगडाने बनवलेल्या या स्मारकाला 70 फूट उंच घुमट, इमारतीच्या आतील बाजूस चार फुटांपेक्षा उंच व्यासपीठावर परिव्राजक संत स्वामी विवेकानंद यांची आकर्षक मूर्ती तुम्हाला मंत्रमुग्ध करते.

8/15

पितळेची साडेआठ फूट उंच मूर्ती जणू स्वामींजीचं जिवंत व्यक्तिमत्त्व वाटतं. हे स्मारक जमिनीच्या किनार्‍यापासून सुमारे 500 मीटर अंतरावर समुद्रात असलेल्या दोन खडकांपैकी एकावर बांधलंय.

9/15

हे स्मारक उभारणीसाठी सुमारे 650 कारागिरांनी 2081 दिवस रात्रंदिवस परिश्रम केलंय. 2 सप्टेंबर 1970 रोजी भारताचे तत्कालीन राष्ट्रपती डॉ. व्ही. तामिळनाडूचे तत्कालीन मुख्यमंत्री करुणानिधी यांच्या अध्यक्षतेखाली या भव्य स्मारकाचे उद्घाटन करण्यात आलं.

10/15

कन्याकुमारीला भेट देण्यासाठी ऑक्टोबर ते मार्च हा सर्वोत्तम काळ आहे. हवेत थोडासा ओलावा आणि थंडगार वाऱ्याची झुळूक मस्त सूर्यास्ताचं दृश्यं मनमोहक असतं.

11/15

कन्याकुमारीला तुम्ही रेल्वेने जाऊ शकता. त्यानंतर शहरात टॅक्सीने तुम्ही विवेकानंद रॉक मेमोरियलला जाऊ शकता. त्याशिवाय कन्याकुमारी रोड ट्रान्सपोर्टच्या अनेक बस तामिळनाडू, चेन्नई, त्रिवेंद्रम आणि बंगलोरहून कन्याकुमारीला जातात.

12/15

मुंबई आणि बंगलोरहून कन्याकुमारी एक्स्प्रेसनेही तुम्ही जाऊ शकता. कन्याकुमारी रोड ट्रान्सपोर्ट बसेस तामिळनाडू, चेन्नई, त्रिवेंद्रम आणि बंगळुरूहून कन्याकुमारीला पोहोचू शकता.

13/15

तुम्हाला विमानाने जायचं असेल तर कन्याकुमारीचे सर्वात जवळचे विमानतळ त्रिवेंद्रम आंतरराष्ट्रीय विमानतळ आहे. हे कन्याकुमारीपासून 67 किलोमीटर अंतरावर आहे.

14/15

समुद्राने वेढलेले विस्मयकारक वारसा असलेले हे स्मारक एप्रिल महिन्यातील चैत्र पौर्णिमेला चंद्र आणि सूर्य दोघेही एकाच क्षितिजावर समोरासमोर दिसतात.

15/15

विवेकानंद रॉक मेमोरियल हे सकाळी 8 वाजता उघडतं आणि संध्याकाळी 4 वाजता बंद होतं. तर मोठ्यांसाठी प्रवेश तिकीट हे 20 रुपये तर लहान मुलांसाठी 10 रुपये आहे.

पुढील
अल्बम

'मला विचारलं की, अनुष्काने टू-पीस बिकिनी...'; इम्रान खानने सांगितला 'तो' विचित्र किस्सा

पुढील अल्बम

बदलापुरच्या घनदाट जंगालातील वाघबीळ! धो धो कोसळणाऱ्या धबधब्याच्या मागे दडलीये रहस्यमयी गुहा

बदलापुरच्या घनदाट जंगालातील वाघबीळ! धो धो कोसळणाऱ्या धबधब्याच्या मागे दडलीये रहस्यमयी गुहा

पृथ्वीला हादरवणारा जगातील सर्वात शक्तीशाली प्रकल्प; याची पावर पाहून NASA चे संशोधकही घाबरले

पृथ्वीला हादरवणारा जगातील सर्वात शक्तीशाली प्रकल्प; याची पावर पाहून NASA चे संशोधकही घाबरले

भारतातील एकमेव गाव, जिथे प्राण्यांना दिली जाते रविवारची सुट्टी

भारतातील एकमेव गाव, जिथे प्राण्यांना दिली जाते रविवारची सुट्टी

अमिताभ बच्चन यांची' ती' फ्लॉप अभिनेत्री, कारकिर्दीत केवळ 3 चित्रपट... पण आता 500 कोटींची मालकिन

अमिताभ बच्चन यांची' ती' फ्लॉप अभिनेत्री, कारकिर्दीत केवळ 3 चित्रपट... पण आता 500 कोटींची मालकिन