मनसे अध्यक्ष राज ठाकरे उद्या आपली भूमिका मांडणार

मुंबई : मनसे अध्यक्ष राज ठाकरे उद्या आपली भूमिका मांडणार आहेत. उद्या दादर, शिवाजी मंदिरमध्ये पक्षाच्या कार्यकर्त्यांचा मेळावा होणार आहे, त्यावेळी राज ठाकरे आपली भूमिका मांडणार आहेत.

महापालिका निवडणुकांच्या पार्श्वभूमीवर राज ठाकरे कार्यकर्त्यांना मार्गदर्शन करणार आहेत, शिवसेनेशी युती करण्याच्या घडामोडींवर राज ठाकरे पहिल्यांदाच भाष्य करणार आहेत.

मनसेकडून उमेदवारांची यादी घोषित करण्याची शक्यता वर्तवली जात आहे.शिवसेनेने युती करण्याचे फेटाळल्यानंतर आज दिवसभर राज ठाकरे यांनी इच्छुकांशी साधला संवाद साधला.

महापालिका निवडणुकीत मनसे आता काय भूमिका घेते याकडे सर्वाचं लक्ष लागून आहे. पक्षात सुरु असलेल्या नगरसेवकांच्या गळतीवर राज ठाकरे काय बोलतात याकडे सर्वांचं लक्ष लागून आहे.