राज ठाकरे यांनी साधला पुन्हा एकदा ९चा मुहूर्त

मुंबई : कल्याण डोंबिवलीच्या रणसंग्रामात महाराष्ट्र नवनिर्माण सेनेचे अध्यक्ष राज ठाकरे यांची एंट्री होणार आहे. राज ठाकरेंनी नेहमी प्रमाणे ९चा मुहूर्त काढलाय. 

राज ठाकरे आज कल्याणच्या वाधवा हॉल येथे कार्यकर्त्यांना मार्गदर्शन करणार आहेत. तर डोंबिवलित पत्रकार परिषद घेणार आहेत. दरम्यान मनसेची पहिली यादी सुद्धा आजच जाहीर होण्याची शक्यता आहे.
 
दरम्यान, कुर्ला, अंधेरी, घाटकोपर रस्ता रुंदीकरण पूर्ण करण्यासाठी मनसेने आंदोलन करत प्रशासनाला झोपेतून जागं केले. कुर्ल्याहून अंधेरीकडे जाण्याऱ्या रस्त्याचं महापालिका रुंदीकरण करत आहे. मात्र हे काम संथ गतीने सुरु असल्याने अद्यापही पूर्ण होऊ शकले नाही. याकरिता स्थानिक नगरसेवक दिलीप लांडे यांनी महापालिकेच्या एल वार्ड कार्यालयावर मोर्चा काढला. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

*   झी २४ तासला ट्विटरवर फोलो करा.