'एवढ्या मोठ्या विजयाने मी घाबरलोय' : केजरीवाल

नवी दिल्ली : विजयानंतर जनतेशी संवाद साधतांना अरविंद केजरीवाल म्हणाले, विजयाने आम्ही घाबरून गेलोय, त्यांच्या कार्यकर्त्यांना विनंती करतांना अरविंद केजरीवाल म्हणाले, काँग्रेसचे हाल आणि भाजपचे हाल हे अहंकारामुळे झाले आहेत. 

आपणही अहंकार ठेवला तर पाच वर्षांनी जनता आपल्याला देखिल असा धडा शिकवू शकते, तेव्हा आपल्याला अहंकार न दाखवता, सर्वांची सेवा केली पाहिजे, असं केजरीवाल यांनी कार्यकर्त्यांना संबोधित करतांना सांगितलं.

केजरीवाल यांनी आपल्या समर्थकांना धन्यवाद दिले आहेत, ज्या कार्यकर्त्यांनी विजयासाठी रात्रंदिवस एक केला, नोकऱ्या सोडल्या, दुकानं बंद ठेवली आणि पक्षाचं काम केलं, त्यांना खूप सारे धन्यवाद. सत्यतेच्या रस्त्यावर चालणाऱ्यांना ब्रह्मांडमधील शक्ती देखिल मदत करतात.

केजरीवाल यांच्या शिवाय आपचे नेते आशुतोष यांनी देखिल लोकांना संबोधित करतांना हा इमानदारीचा विजय असल्याचं म्हटलं आहे. यावेळी लोकांनी 'पांच साल केजरीवाल'च्या घोषणा देखिल दिल्या.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.