स्मोकिंगपेक्षा जास्त खतरनाक आहे... खुर्चीत बसणं!

मुंबई : तुम्हाला माहिती आहे का? की, जास्त वेळ खुर्चीमध्ये बसून राहणे हे आपल्या शरीरासाठी हानीकारक आहे. सतत खुर्चीत बसणे ही ‘स्मोकिंग’ पेक्षा ही जास्त वाईट सवय असल्याचे एका सर्वेद्वारे सांगण्यात आले आहे. त्याला ‘न्यू स्मोकिंग’ असे नाव देण्यात आले आहे. तुम्ही दिवसभरातील जास्त वेळ जर सोफ्यावर बसणे, ऑफिसमधील खुर्चीमध्ये बसून किंवा गाडीत बसून फिरण्यासाठी जाता. जर यासर्व गोष्टी तुम्ही करत असाल तर सावधान!... कारण याने मधुमेह, हार्ट डिसीज आणि अकाली मृत्यू यांचा धोका वाढू शकतो. या गोष्टी याच सर्वेतून अनेकदा आपल्यासमोर आल्या आहेत.
काळजी घेण्यासाठी -

थोडा ब्रेक घेणे गरजेचे -

तासंतास एकाच ठिकाणी बसून काम करणे टाळा. थोड्या थोड्या वेळाने ब्रेक घेणे गरजेचे आहे. जास्त वेळ एका ठिकाणी बसून राहिल्याने तुम्हाला तणाव आणि डोकेदुखी सारख्या समस्येलासामोरे जावे लागेल. यासाठी तुम्ही खुर्ची सोडून ऑफिसमधील कॅफीटीरियापर्यंत चालत जा...त्यामुळे डोक्याला आराम मिळेल. आणि त्याचबरोबर तणावापासून देखील तुम्ही वाचू शकता.

स्ट्रेचिंग एक्ससाईज करणे गरजेचे -

एकाच ठिकाणी जास्त वेळ बसून राहिल्याने आपल्या शरीरावर त्याचा वाईट परिणाम होतो. त्यामुळे शरीरातील सर्व एनर्जी संपून जाते. थोड्या वेळाने तुम्हाला कंटाळा येऊन थकवा जाणवू लागतो. त्यासाठी तुम्ही अधून-मधून स्ट्रेचिंग एक्ससाईज करणे गरजेचे आहे.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

*  झी २४ तासला ट्विटरवर फोलो करा.