हेमा मालिनी यांच्यावर आम्ही प्रेम करतो, हा आदर आहे - संजय राऊत
गुलाबराव पाटील यांच्याकडून हेमा मालिनी यांचे गाल आणि रस्त्याची तुलना
)
मुंबई : महाराष्ट्राचे मंत्री गुलाबराव पाटील यांनी आपल्या मतदार संघातील रस्त्यांची तुलना हेमा मालिनी यांच्या गालाशी केली. या त्यांच्या वक्तव्यावरून खूप गदारोळ झाला. या प्रकरणावर शिवसेना खासदार संजय राऊत यांनी आपली प्रतिक्रिया दिली आहे.
'या प्रकारची तुलना देशात या अगोदरही झाली आहे. तुम्ही त्याला सकारात्मक पद्धतीने घ्या. हा हेमा मालिनी यांचा आदर आहे. एक कलाकाराचा आदर आहे. प्रत्येक विषयात तुम्ही अशा पद्धतीने नकारात्मकता आणता हे योग्य नाही. या अगोदर लालूजी यांनी देखील अशी तुलना केली आहे. लोक हेमा मालिनी यांच्यावर खूप प्रेम करतात. आदर करतात. आम्ही देखील करतो.', अशा शब्दात संजय राऊत यांनी या प्रकरणावर प्रतिक्रिया दिली आहे.
विरोधकांना दिलं चॅलेंज
पाटील यांच्या कथित वक्तव्याचा व्हिडिओ सोशल मीडियावर व्हायरल झाला आहे. जिल्ह्यातील नुकत्याच पार पडलेल्या बोदवड नगरपंचायतीच्या निवडणुकीदरम्यान झालेल्या निवडणूक सभेला संबोधित करताना मंत्र्यांनी हे आरोप केले. पाटील यांनी आपल्या भाषणादरम्यान विरोधकांना आपल्या मतदारसंघात भेट द्या आणि तेथील दर्जेदार रस्ते पहा.
मंत्र्यांची विवादित टिपणी
जळगावचे अनेक वर्षे आमदार असलेले भाजपचे माजी नेते एकनाथ खडसे यांच्यावर हल्लाबोल करताना राज्याचे पाणीपुरवठा मंत्री पाटील म्हणाले की, ३० वर्षे आमदार असलेल्यांनी माझ्या विधानसभा मतदारसंघात येऊन रस्ते बघावेत. जर हेमा मालिनी यांच्या गालासारखे नसतील तर मी राजीनामा देईन.
त्याचवेळी राज्य महिला आयोगाच्या अध्यक्षा रुपाली चाकणकर यांनी मंत्री पाटील यांच्या वक्तव्याची दखल घेत त्यांनी माफी न मागितल्यास त्यांच्यावर कायदेशीर कारवाई करण्याचा इशारा दिला. मात्र, राज्य महिला आयोगाने कठोर भूमिका घेतल्यानंतर मंत्र्यांनी आपल्या वक्तव्यावर माफी मागितली आहे.