मुंबईत उद्यापासून लॉकडाऊनचे निर्बंध शिथील होणार

कृष्णात पाटील, मुंबई : मुंबईत 1 जूनपासून लॉकडाऊनचे निर्बंध शिथील होणार आहेत. अत्यावश्यक दुकाने सकाळी 7 ते 2 पर्यंत सुरू राहणार तर इतर दुकाने सोमवार ते शुक्रवार 7 ते 2 सुरू राहणार. इतर दुकाने शनिवार व रविवार बंद राहणार आहेत.

इतर दुकाने ही रस्त्याच्या उजव्या व डाव्या बाजूची दुकाने आलटून पालटून एकेक दिवस उघडी राहणार. पहिल्या आठवड्यात रस्त्याच्या उजव्या बाजूची दुकाने सोम, बुध व शुक्रवार सुरू राहतील तर समोरील दुकाने मंगळ व गुरूवार सुरू राहतील. त्यापुढील आठवड्यात डाव्या बाजूची दुकाने सोम,बुध व शुक्रवार सुरू राहतील तर समोरील दुकाने मंगळ व गुरूवार सुरू राहतील.

ज्या पालिका किंवा जिल्हा क्षेत्रात कोविड पॉझिटिव्ह दर 10 टक्के किंवा त्यापेक्षा कमी असेल आणि एकूण उपलब्ध ऑक्सिजन बेड्स 40 टक्क्यांपेक्षा कमी भरले असतील तर तिथे निर्बंध शिथिल करण्यात येतील. असा आदेश सरकारने काल काढला होता.

#CoronavirusUpdates
३१ मे, संध्या. ६:०० वाजता

२४ तासात बाधित रुग्ण - ६७६

२४ तासात बरे झालेले रुग्ण - ५५७०
बरे झालेले एकूण रुग्ण - ६६६७९६
बरे झालेल्या रुग्णांचा दर - ९४%

एकूण सक्रिय रुग्ण- २२३९०

दुप्पटीचा दर- ४३३ दिवस
कोविड वाढीचा दर ( २४ मे ते ३० मे)- ०.१५ % #NaToCorona

— माझी Mumbai, आपली BMC (@mybmc) May 31, 2021

दरम्यान आज मुंबईत कोरोनाचे 676 रुग्ण वाढले असून 5570 जणांनी कोरोनावर मात केली आहे.