14 Nov 2024, 18:19 वाजता
'यंदा देवेंद्र फडणवीस निवडणूक हरतील', नाना पटोलेंचा दावा
Nana Patole on Devendra Fadnavis : उपमुख्यमंत्री देवेंद्र फडणवीस यंदाच्या विधानसभा निवडणुकीत हरतील असा मोठा दावा, काँग्रेस प्रदेशाध्यक्ष नाना पटोले यांनी केला आहे. झी २४ तासला दिलेल्या विशेष मुलाखतीमध्ये त्यांनी हे विधान केलं. फडणवीस नागपूर दक्षिण-पश्चिम विधानसभा मतदारसंघातून निवडणूक लढत आहेत. त्यांच्याविरोधात काँग्रेसकडून प्रफुल गुडधे निवडणूक रिंगणात आहेत. विदर्भात महाविकास आघाडीचा स्ट्राईक रेट 90 टक्के इतका असेल असं भाकितही त्यांनी यावेळी वर्तवलं.
बातमीचा व्हिडीओ पाहा-
14 Nov 2024, 16:45 वाजता
'आधी लग्न करुन बघ, मग तुला कळेल', रामदास कदमांचा आदित्य ठाकरेंना सल्ला
Ramdas kadam On Aditya Thackeray : शिवसेनेचे नेते रामदास कदम यांनी आदित्य ठाकरेंवर जहरी टीका केलीये...बर्फाच्या लादीवर झोपवण्याची भाषा करतोस..आधी लग्न करुन बघ मग तुला कळेल अशा भाषेत आदित्य ठाकरेंवर कदम यांनी हल्लाबोल केलाय...तसेच आदित्य ठाकरेंना कदम यांनी लग्नाचा सल्ला देखील दिलाय...
बातमीचा व्हिडीओ पाहा-
14 Nov 2024, 15:31 वाजता
'शिंदेंसोबतच जाणार होतो महायुतीमध्ये', अजित पवारांचा मोठा गौप्यस्फोट
Ajit Pawar : नाशिकमध्ये अजित पवारांचा मोठा गौप्यस्फोट...'शिंदेंसोबतच जाणार होतो महायुतीमध्ये'... 'आमच्या सर्व NCPच्या आमदारांनी ठरविलं होतं'... महायुतीत जाण्यावरुन अजित दादाचं मोठं विधान
बातमीचा व्हिडीओ पाहा-
14 Nov 2024, 13:06 वाजता
डोंबिवलीत भाजप कार्यालयाची तोडफोड
Dombivali BJP OfficeTodfod : डोंबिवलीमध्ये भाजपच्या कार्यालयाची तोडफोड केलीये.. डोंबिवली पश्चिमेतील गुजराती सेलचे पदाधिकारी जुगल उपाध्याय यांच्या कार्यालयाची तोडफोड करण्यात आलीये.. तीन ते चार अज्ञात व्यक्तींनी अचानक येत शिविगाळ करत ही तोडफोड केली.. या घटनेची दृश्य सीसीटीव्हीत चित्रित झालीत.. डोंबिवलीमध्ये भाजपचे रवींद्र चव्हाण आणि शिवसेना उद्धव बाळासाहेब ठाकरे पक्षाचे उमेदवार दीपेश म्हात्रे यांच्यात लढत आहे.
बातमीचा व्हिडीओ पाहा -
14 Nov 2024, 12:04 वाजता
अभिमन्यू पवारांना धमकीचा फोन?
Latur Abhimanyu Pawar : भाजपा आमदार तसंच औसा विधानसभा मतदारसंघाचे उमेदवार अभिमन्यू पवार यांना धमकीचा फोन आल्याचा दावा त्यांनी केलाय.... याबाबत त्यांनी गृहमंत्री देवेंद्र फडणवीस तसंच पोलीस महासंचालकांकडे तक्रारही केलीये. मतदारसंघात बाहेरच्या राज्यातील गुंड फिरत आहेत... असा आरोप त्यांनी या तक्रारीतून केलाय.. दरम्यान कार्यकर्त्यांनी घाबरू नये असं आवाहनही त्यांनी केलंय.
बातमीचा व्हिडीओ पाहा -
14 Nov 2024, 12:02 वाजता
लोकप्रिय योजनांबाबत नितीन गडकरींचं रोखठोक विधान
To The Point Nitin Gadkari : लाडकी बहिणसारख्या योजनांबद्दल नितीन गडकरींनी झी 24 तासच्या टू द पॉईंटमधील मुलाखतीत स्पष्ट भूमिका मांडलीय. फ्रीबीजच्या मुद्दयावर बोलताना गडकरींना अशा योजनांची घोषणा करण्यात सत्ताधारी किंवा विरोधक दोघेही याला अपवाद नाहीत असं म्हणालेत.. शिवाय सर्वच पक्ष निवडणूक जिंकण्याचा आधी विचार करतात त्यातून नवनव्या योजनांची घोषणा करतात. परंतु अशा योजनांना कसा प्रतिसाद द्यायचा हे लोकांच्या हातात असतं असं गडकरींना झी 24 तासच्या टू द पॉईंटच्या मुलाखतीत सांगितलंय. जनतेला देशाचं हीत कशात आहे हे माहित असतं त्याबद्दल जनता निर्णय घेते आणि त्या जनतेच्या निर्णयाप्रमाणे नेतेही बदलतात असं स्पष्ट मत गडकरींनी या विशेष मुलाखतीत मांडलंय.
14 Nov 2024, 11:09 वाजता
वर्ध्याच्या हिंगणघाटमध्ये 21 लाख 89 हजारांची रोकड जप्त
Wardha Cash Seized : विधानसभा निवडणुकीच्या तोंडावर वर्ध्यातही मोठी रक्कम जप्त करण्यात आलीये.. वर्ध्याच्या हिंगणघाटमध्ये FSTपथक आणि पोलिसांनी केलेल्या कारवाईमध्ये 21 लाख 89 हजारांची रोकड जप्त करण्यात आलीये.. हिंगणघाटमधील तीन चेकपोस्टवर ही कारवाई करण्यात आली... यात दारोडा चेकपोस्टवर 18 लाख 63 हजार, आरंभा चेकपोस्टवर 2 लाख 25 हजार तर वडकी चेकपोस्टवर 1 लाख 10 हजार रुपये जप्त करण्यात आलेत.. वाहनांच्या तपासणी दरम्यान ही रोकड जप्त करण्यात आली असून याप्रकरणी अधिक तपास सुरु आहे. .
14 Nov 2024, 10:43 वाजता
शरद पवारांचा पुण्यात भाजप आणि राष्ट्रवादीला धक्का
Pune Sharad Pawar : शरद पवारांनी पुण्यात भाजप आणि राष्ट्रवादीला धक्का दिलाय. शरदचंद्र पवारांच्या राष्ट्रवादीत रेखा टिंगरे आणि त्यांचे पती चंद्रकांत टिंगरेंनी प्रवेश केलाय तर हडपसरचे दिलीप तुपे आणि अनिल तुपे यांनीही शरद पवारांच्या पक्षात प्रवेश केलाय. तसंच खडकवासलातले भाजपचे समीर धनकवडेंनी शरद पवारांच्या राष्ट्रवादीची वाट धरलीय.
14 Nov 2024, 09:44 वाजता
सिडकोच्या लॉटरीला मुदतवाढ
Cidco Lottery : सिडकोच्या 26 हजार घरांच्या सोडत प्रक्रियेच्या अर्जनोंदणीला मुदतवाढ देण्यात आलीये.. त्यामुळे आता इच्छुकांना 11 डिसेंबरपर्यंत अर्ज दाखल करता येणार आहेत.. आतापर्यंत सिडकोच्या घरांसाठी 88 हजारांहून अधिक अर्ज दाखल झालेत.. दरम्यान अर्ज दाखल करण्यासाठी मुदतवाढ दिल्यानं या योजनेसाठी अर्ज करणान्यांची संख्या सव्वा लाखांपर्यंत पोहचेल, अशी शक्यता वर्तविली जात आहे.
बातमीचा व्हिडीओ पाहा -
14 Nov 2024, 09:43 वाजता
मनसेची 17 नोव्हेंबरला शिवाजी पार्कवर सभा
Maharashtra Vidhan Sabha Election 2024 : 17 नोव्हेंबरला शिवाजी पार्कमध्ये राज ठाकरेंची सभा होणार आहे.. शिवाजी पार्कमध्ये मनसेच्या सभेला मुंबई महानगर पालिकेनं परवानगी दिलीये.. 17 नोव्हेंबरला बाळासाहेब ठाकरेंचा स्मृतिदीन आहे... त्यामुळे शिवाजी पार्कमध्ये शिवसेना उद्धव बाळासाहेब ठाकरे पक्षानंही सभेची परवानगी मागितली होती.. मात्र आधी मनसेचा अर्ज आल्यानं बीएमसीनं मनसेला प्राधान्य दिलंय. त्यामुळे शिवसेना उद्धव बाळासाहेब ठाकरेंची सभा बीकेसीमध्ये होणार आहे..
