Kalyan Lok Sabha Nivadnuk Nikal 2024: कल्याणमधून श्रीकांत शिंदेंची हॅटट्रीक; विजयानंतर अश्रू अनावर

Kalyan Lok Sabha Lok Sabha Election Results 2024 Live Updates: कल्याणमध्ये श्रीकांत शिंदे यांचा विजय झाला आहे. श्रीकांत शिंदे यांनी ठाकरे गटाच्या वैशाली दरेकर यांचा पराभव करत विजयाची हॅटट्रीक केली आहे. विजयानंतर प्रसारमाध्यमांशी संवाद साधताना श्रीकांत शिंदे यांना अश्रू अनावर झाले . 

शिवसेना फुटीनंतर पहिल्यांदाच होणाऱ्या लोकसभा निवडणुकीत ठाकरे गट (Uddhav Thackeray) आणि शिंदे गटाची प्रतिष्ठा पणाला लागली होती. कल्याण मतदारसंघात (Kalyan Lok Sabha Constituency)  श्रीकांत शिंदे (Shrikant Shinde) आणि ठाकरे गटाच्या वैशाली दरेकर (Vaishali Darekare) यांच्यात थेट लढत होती. यावेळी श्रीकांत शिंदे विजयाची हॅटट्रीक करणार? की वैशाली दरेकर जायंटकिलर ठरणार? याकडे संपूर्ण राज्याचं लक्ष लागलं होतं. पण हा निकाल अपेक्षेप्रमाण लागला असून, श्रीकांत शिंदे यांचा विजय झाला आहे.

Maharashtra Lok Sabha Winner List: महाराष्ट्रातील सर्वच्या सर्व 48 विजयी उमेदवारांची संपूर्ण यादी; वाचा एकाच क्लिकवर

तिसऱ्यांदा माझ्यावर लोकांनी माझ्यावर आणि महायुतीवर विश्वास दाखवला आहे. मोठ्या बहुमताने मला जनतेने जिंकवून दिलं आहे. मी महायुतीच्या सर्व पदाधिकारी, कार्यकर्त्यांचे आभार मानतो. 2 महिने या सर्वांनी अथक काम केलं. मी पंतप्रधान नरेंद्र मोदी, एकनाथ शिंदे यांचे तिसऱ्यांदा निवडणूक लढवण्यासाठी संधी दिल्याबद्दल आभार मानतो असं श्रीकांत शिंदे विजयानंतर म्हणाले आहेत. 

 2019 मध्ये कल्याण लोकसभा निवडणुकीत श्रीकांत शिंदे सलग दुसऱ्यांदा विजयी झाले होते. श्रीकांत शिंदे यांना 5,59,723 मते मिळाली होती. तर राष्ट्रवादीचे उमेदवार बाबाजी पाटील यांना 2,15,380 मते मिळाली होती. त्याशिवाय, वंचित बहुजन आघाडीचे उमेदवार संजय हेडाऊ यांनी 65,572 मते मिळवली होती. वैशाली दरेकर यांनी 2009 मध्ये मनसेच्या तिकीटावर कल्याण लोकसभा निवडणूक लढवली होती. त्यावेळी वैशाली दरेकर यांना 1 लाख 02 हजार 63 मते मिळाली होती.