काय आहे 3+1 हा नात्याचा नियम, समजून घेतलात तर कधीच नाराज होणार नाही पत्नी किंवा गर्लफ्रेंड

आजच्या काळात अशा जोडप्यांचे प्रमाण वाढले आहे, ज्यांच्यासाठी दीर्घकाळ नाते टिकवणे हे आव्हान बनले आहे. गर्लफ्रेंड-बॉयफ्रेंड असो  किंवा नवरा-बायको, दोन्ही प्रकारचे नाते फार वेगाने तुटत आहे. अशा परिस्थितीत 3+1 चा नियम समजून घेण्याची गरज खूप वाढली आहे. हे जोडप्यांना आधुनिक काळात येणारे बदल आणि आव्हानांना तोंड देण्यास सक्षम बनवू शकते.

लेखक आणि प्रेरणादायी वक्ते सायमन सिनेक यांनी दिलेला हा नियम जर नात्याच्या सुरुवातीपासूनच समजून घेतला आणि अंमलात आणला, तर गर्लफ्रेंड किंवा पत्नीपासून विभक्त होण्याची शक्यता बऱ्याच प्रमाणात कमी होऊ शकते. मग गणिताच्या आकड्यांवर आधारित हा अनोखा पण उपयुक्त नियम कोणता आहे, तेही आम्ही तुम्हाला सांगतो.

बोद्धिक अनुकुलता 

याचा अर्थ जोडप्यामध्ये शिकण्याची आणि शिकवण्याची समान प्रवृत्ती असणे. जेव्हा दोन लोकांमध्ये बौद्धिक अनुकूलता असते तेव्हा ते एकमेकांना पुढे जाण्यास मदत करतात आणि नेहमी काहीतरी नवीन शिकण्याचा प्रयत्न करतात. त्यांच्यातील संवाद अतिशय मोठा आणि सखोल होत असतो.. हे गुण प्रेमाच्या आणि आदराच्या भावनेने हे गुण महत्त्वाचे ठरतात. यामुळे नात्यामध्ये प्रेम वाढते. 

भावना समजून घेणे

कोणत्याही निरोगी नात्यासाठी ही सर्वात महत्वाची गोष्ट आहे. एकमेकांच्या भावना समजून घेणे आणि भावनिक गरजा पूर्ण केल्याने जोडप्याचे नाते घट्ट होते. जोडीदार भावना समजून घेत नसेल तर ती गरज पूर्ण करण्यासाठी दुसरा मार्ग शोधू शकतात. 

शारीरिक गरज

सायमनच्या मते, लैंगिक अनुकूलता म्हणजे केवळ शारीरिक आकर्षण नाही. ज्या जोडप्यांमध्ये या बाबतीत अनुकूलता आहे ते एकमेकांच्या गरजा समजून घेतात, त्यांच्याबद्दल मोकळेपणाने बोलतात आणि त्या पूर्ण करण्याचा प्रयत्न करतात. ही गोष्ट जोडप्याची जवळीक वाढवण्यास मदत करते.

काय आहे 3+1

वर नमूद केलेल्या तीन सुसंगततेशिवाय, आणखी एक घटक आहे जो संबंधांवर खूप प्रभाव पाडतो. म्हणूनच सायमनने त्याला 3 +1 असे नाव दिले आहे. ही अशीस्थिती आहे जी तेव्हाची वेळ आणि संपूर्ण परिस्थिती इत्यादींमुळे उद्भवते. यावर कोणत्याही जोडप्याचे नियंत्रण नसते. तरी देखील ती बाब अतिशय महत्त्वाची ठरते. वरील तीन गोष्टी जशा नात्यामध्ये महत्त्वाच्या ठरतात. त्याप्रमाणे तुमची परिस्थिती देखील तितकीच महत्त्वाची भूमिका बजावत असते.