Holi Tips : धुळवडीमुळं अस्वच्छ झालेलं घर स्वच्छ करण्यासाठी फॉलो करा 'या' टिप्स, रंगाचा एकही डाग राहणार नाही

Holi House Cleaning Tips : जर होळी खेळल्यानंतर घरात सर्वत्र रंग पसरला असेल तर काही सोप्या पद्धतींनी ती साफ करता येते. होळी हा सण आनंदाचा आणि उत्साहाचा सण आहे. जर तुम्ही या दिवशी रंगांशी जोमाने खेळले नाही तर तुम्ही काय केले? होळीची मजा रस्त्यांपासून घराघरापर्यंत पसरते. एकमेकांवर रंगांची उधळण करण्याची स्पर्धाच अशी आहे की, त्यामुळे घरात किती रंगाचा पसारा झाला आहे, याची कोणालाच पर्वा नाही. मात्र, होळी संपताच घराचे सौंदर्य डोळ्यासमोर येते आणि घरात ठिकठिकाणी विखुरलेले रंग एक भुरळ पाडतात.

घरात लहान मुलं असतील तर होळीच्या रंगांनी घर खराब होणं स्वाभाविक आहे. अशा वेळी लगेच काही पद्धती वापरून घराला पूर्वीसारखे सुंदर बनवता येते.

भिंतीवरुन असा डाग घालवा 

होळीच्या वेळी अनेक वेळा भिंती घाण होतात. अशा परिस्थितीत जर तुमच्या घराच्या भिंतींवरचे रंगीत डाग तुम्हाला टेन्शन देत असतील तर तुम्ही या साफसफाईच्या युक्तीने त्यापासून मुक्ती मिळवू शकता.

यासाठी डिशवॉश आणि गरम पाणी एका भांड्यात चांगले मिसळा. आता द्रावणात मायक्रोफायबर कापड किंवा स्पंज बुडवा. जोपर्यंत डाग निघून गेल्याचे जाणवत नाही तोपर्यंत ओल्या कपड्याने डाग घासून घ्या.

याशिवाय भिंतीवरील घाण काढण्यासाठी तुम्ही पांढऱ्या खडूचाही वापर करू शकता. रंगल लागलेल्या भागावर पूर्णपणे घासून घ्या. आता 10 मिनिटांनी ओल्या टिश्यूने पुसून टाका.

घर स्वच्छता टिप्स

बेकिंग सोडा - जर घराच्या फरशीवर किंवा भिंतींवर होळीचे रंग लावले असतील तर ते स्वच्छ करण्यासाठी बेकिंग सोडा वापरा. एका भांड्यात थोडे पाणी घेऊन त्यात बेकिंग सोडा टाका. त्याची जाडसर पेस्ट तयार करून डागांवर लावा आणि सोडा. काही वेळाने कोरड्या कपड्याने घासून घ्या आणि डाग निघून जातील.

लिक्विड सोप - लिक्विड साबण भिंती आणि मजल्यावरील डाग साफ करण्यासाठी देखील उपयुक्त ठरू शकतो. स्वयंपाकघरातील क्रॉकरी किंवा भांडी रंगीत असल्यास ती लिक्विड साबणाने स्वच्छ करता येतात. भांडी द्रव साबणामध्ये बुडवा आणि नंतर स्वच्छ धुवा. भांडी चमकतील.

हायड्रोजन पेरोक्साईड - किचन कॅबिनेट, डायनिंग टेबल यांसारख्या ठिकाणी जर रंग आला असेल तर तो हायड्रोजन पेरॉक्साईडच्या मदतीने साफ करता येतो. एका सूती मऊ कपड्यात थोडे हायड्रोजन पेरॉक्साईड घ्या आणि डाग असलेल्या भागांवर हलके चोळा. डाग निघून जातील.