रेल्वे प्रवाशाने चालत्या ट्रेनमधून तरुणाला फेकलं बाहेर; Video Viral

पश्चिम बंगालमधील (west bengal) बीरभूम (Birbhum) येथून एक धक्कादायक व्हिडीओ समोर आली आहे. किरकोळ भांडणानंतर ट्रेनमध्ये (Train) प्रवास करणाऱ्या एका व्यक्तीने दुसऱ्या प्रवाशाला चालत्या ट्रेनच्या बाहेर ढकलून दिले. या घटनेत प्रवासी जबर जखमी झाला. हा व्हिडीओ समोर आल्यानंतर तरुणाला बाहेर ढकलून देणाऱ्या व्यक्तीला पोलिसांनी अटक केली आहे. या संपूर्ण घटनेचा व्हिडिओ ट्रेनमधून प्रवास करणाऱ्या एका प्रवाशाने रेकॉर्ड केला असून तो सोशल मीडियावर व्हायरल होत आहे. (west bengal Passenger thrown out of speeding train found in second day)

मिळालेल्या माहितीनुसार, ही घटना बीरभूम जिल्ह्यातील तारापिठ रोड आणि रामपुरहाट रेल्वे स्थानकादरम्यान घडली. हावडाहून (Howrah) मालदाकडे जाणाऱ्या इंटरसिटी एक्स्प्रेसमध्ये दोघेही प्रवास करत होते. त्यानंतर दोघांमध्ये काही गोष्टीवरून भांडण झाले. काही वेळातच हे प्रकरण हाणामारीत पोहोचले. दरम्यान, एका प्रवाशाला राग आला आणि त्याने भांडण करणाऱ्या दुसऱ्या व्यक्तीला चालत्या ट्रेनमधून ढकलून दिले.

रविवारी सकाळी तो प्रवासी रेल्वे पोलिसांनी रक्तबंबाळ अवस्थेत रुळांवर आढळून आला. सजल शेख असे जखमी प्रवाशाचे नाव असून तो बीरभूममधील रामपुरहाटचा रहिवासी आहे. रेल्वे पोलिसांनी तारापीठ ते रामपुरहाट रेल्वे स्थानकादरम्यानच्या रेल्वे मार्गावरून सजलचा शोध घेऊन त्याचा शोध घेतला. त्या नंतर त्याला रामपूरहाट शासकीय वैद्यकीय महाविद्यालय आणि रुग्णालयात दाखल केले. सजल शेखची प्रकृती सध्या गंभीर असल्याचे सांगण्यात येत आहे.

व्हायरल झालेल्या व्हिडिओनुसार, ट्रेनमध्ये एक तरुण दुसऱ्या व्यक्तीसोबत वाद घालत होता. काही वेळातच वादाचे रुपांतर हाणामारीत झाले. या वादात रेल्वे प्रवाशाने तरुणाला धक्का दिला. त्यानंतर सजल शेख चालत्या ट्रेनमधून रुळावर पडला. त्यानंतर प्रवाशाने मागे वळून न पाहता खाली वाकून शांतपणे नमस्कार केला आणि आपल्या सीटवर बसला. ही संपूर्ण घटना ट्रेनमधील एका प्रवाशाने कॅमेऱ्यात रेकॉर्ड केली आहे.

चालत्या ट्रेनमधून तरुणाला फेकलं! धक्कादायक व्हिडीओ कॅमेरात कैद#WestBengal #ViralVideos pic.twitter.com/4jngWCF0DV

— ZEE २४ तास (@zee24taasnews) October 17, 2022

नेमकं काय घडलं?

पीडित सजल शेखने सांगितले की, काल रात्री तो नल्हाटी येथून सैथिया येथे मित्रांच्या घरी गेला होता. परतत असताना इंटरसिटीहून मालदा येत होता. परतत असताना त्याच्यासोबत इतर मित्रही होते. प्रवासादरम्यान तो त्याच्या मित्रांसोबत मस्करी करत होता. यादरम्यान ट्रेनमध्ये आधीच असलेल्या एका प्रवाशाने त्याला शांत राहण्यास सांगितले. त्यानंतर दोघांमध्ये भांडण झाले आणि त्याला ट्रेनच्या बाहेर ढकलून दिलं. मात्र, मद्यधुंद अवस्थेत ट्रेनमध्ये चढत असल्याची कबुली सजलने दिली आहे. 

आरोपीला अटक

दरम्यान, रेल्वेच्या एका अधिकाऱ्याने सांगितले की, याप्रकरणी आरोपीला अटक करण्यात आली असून या गुन्ह्यात आणखी काही लोकांचाही सहभाग असल्याचा सरकारी रेल्वे पोलिसांना (जीआरपी) संशय आहे. पोलिसांनी सांगितले की, ही घटना शनिवारी रात्री तारापीठ रोड आणि रामपुरहाट स्टेशन दरम्यान घडली. हावडा-मालदा टाउन इंटरसिटी एक्स्प्रेसमधून बाहेर ढकलण्यात आलेल्या सजल शेखला जखमी अवस्थेत रुळांवरून वाचवण्यात आले, असे अधिकाऱ्याने सांगितले.