Gold Rate Today: आजचं सोनं खरेदी केलं तर तुमचे किती पैसे वाचतील? पाहा नवे दर

Gold-Silver Rate :  गेल्या महिनाभराहून अधिक काळ भारतासह जगभरातील सराफा बाजारात सोन्यासह (Gold) चांदीच्या किमतीत वाढ होताना दिसत आहे. मात्र, या दरम्यान काही वेळा त्यात नरमाई येते. गेल्या व्यापार सप्ताहात सोन्याबरोबरच चांदीच्या दरातही घसरण नोंदवण्यात आली. यामध्ये 22 कॅरेट 10 ग्रॅम सोने 47,300 रुपयांपर्यंत आहे. 

सोन्या-चांदीचे नवे दर जारी करण्यात आले आहेत. गेल्या आठवड्यात असलेल्या सोन्याच्या तेजीला आज ब्रेक लागला आहे. सोनं आज प्रतितोळे 51,430 रुपयांना विकलं जात आहे. आज सोन्याचा दर प्रति दहा ग्रॅम 51 हजार 405 रुपये आहे. शेवटच्या व्यवहाराच्या दिवशी सोन्याजा दर 51466 रुपये प्रति दहा ग्रॅमवर ​​बंद झाला होता. 

सोनं आजही उच्चांकी किमतीपेक्षा स्वस्त

मात्र या घसरणीनंतरही सोने आजही त्याच्या आतापर्यंतच्या उच्चांकापेक्षा 4795 रुपये प्रति 10 ग्रॅमने स्वस्त आहे. ऑगस्ट 2020 मध्ये सोन्याने सर्वकालीन उच्चांक गाठला होता. त्यावेळी सोन्याचा भाव 56,200 रुपये प्रति दहा ग्रॅमच्या पातळीवर गेला होता. दरम्यान गुड रिटर्न्स वेबसाईटनुसार(Good Return Website) सोन्याचे दर खालीलुप्रमाणं आहे. दरम्यान शुल्क, राज्य कर आणि घडवळीवरील शुल्कामुळे सोन्याच्या दागिन्यांच्या किंमती भारतभर बदलतात. तसेच हे दरपत्रक सूचक आहे. स्थानिक पातळीवर या दरात बदल होण्याची शक्यता असते.

भारतातील महत्त्वाचे शहर आणि पेट्रोल- डिझेचे दर 

शहरं     22 कॅरेट       24 कॅरेट 

चेन्नई -     ₹47,650 -    ₹52,000 
मुंबई -       ₹47,150  -  ₹51,430
दिल्ली -     ₹47,300 -    ₹51,600
कोलकत्ता-  ₹47,150    -   ₹51,430
बंगलोर -   ₹47,200   -  ₹51,490
हैदराहबाद - ₹47,150  -  ₹51,430 
केरला - ₹47,150  -  ₹51,430 
पुणे -   ₹47,180 -  ₹51,460
वडोदरा -  ₹47,180 -  ₹51,460 
अहमदाबाद -  ₹47,200 -  ₹51,490 
जयपूर -  ₹47,300 -  ₹51,600 
लखनऊ - ₹47,300  - ₹51,600 

कशी तपासाल सोन्याची शुद्धता?
तुम्हाला सोन्याची शुद्धता तपासायची असेल तर त्यासाठी सरकारने एक अ‍ॅप बनवलं आहे. 'BIS Care App' द्वारे ग्राहक सोन्याची शुद्धता तपासू शकतात. या अ‍ॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अ‍ॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अ‍ॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे.

मिस्ड कॉल देऊन जाणून घ्या सोन्याचा दर-

सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.