New Rules : 1 जुलैपासून होणाऱ्या बदलांमुळे खिशाला लागणार कात्री; गॅसच्या दरात कपात?

Rules Changes From 1st July News In Marathi : प्रत्येक वेळी नवा महिना सुरू होताच काही लहान-मोठे बदल पाहायला मिळतात. यात जुलै महिना अपवाद नसून पुढील महिन्याच्या सुरुवातीपासून काही नियम बदलणार आहेत. त्याचा थेट परिणाम तुमच्या खिशावर होण्याची शक्यता आहे. यामध्ये बँकिंग नियमांपासून ते एलपीजी सिलिंडरच्या किंमतीपासून नियमात बदल होऊ शकतो. चला तर मग 1 जुलैपासून (Rules Changes From 1st July) होणाऱ्या बदलांमुळे सर्वसामान्यांच्या खिशाला किती झळ बसणार आहे ते पाहूया...

गॅसच्या दरात बदल

प्रत्येक वेळी स्वयंपाकाचा गॅस आणि व्यावसायिक एलपीजी सिलिंडरची (LPG Gas) किंमत महिन्याच्या पहिल्या दिवशी बदलली जाऊ शकते. त्यामुळे गेल्या मार्चपासून स्वयंपाकाच्या गॅसचे दर जैसे थे आहेत. गेल्या महिनाभरात व्यावसायिक सिलिंडरच्या किमतीत घट झाली होती. सध्या कोलकातामध्ये रिफिल न करता येणाऱ्या 14.2 किलोच्या स्वयंपाकाच्या गॅस सिलिंडरची किंमत 1129 रुपये आहे. तिकडे कोलकाता येथे 19 किलोच्या व्यावसायिक गॅस सिलेंडरची किंमत 1875.5 रुपये आहे. 

पेट्रोल-डिझेलच्या किंमतीत बदल 

आंतरराष्ट्रीय बाजारात कच्च्या तेलाच्या किमतीत सातत्याने चढ-उतार होत असतात. पेट्रोलियम मंत्री हरदीप सिंह यांनी काही दिवसांपूर्वी सांगितले होते की, आंतरराष्ट्रीय बाजारात कच्च्या तेलाच्या किमती स्थिर राहिल्यास तेल कंपन्या पेट्रोल आणि डिझेलच्या (Petrol Diesel Price) किमती कमी करण्याचा विचार करू शकतील. अशा स्थितीत पुढील महिन्यात पेट्रोल आणि डिझेलचे दर कमी होण्याची शक्यता आहे. 

वाचा: शिंदे-फडणवीस सरकारची आज वर्षपूर्ती! मंत्रिमंडळ विस्ताराचा मुहूर्त ठरला?

एचडीएफसी आणि एचडीएफसी बँकेचे विलीनीकरण

एचडीएफसी (HDFC) आणि एचडीएफसी (HDFC) बँकेचे 1 जुलैपासून विलीनीकरण होणार आहे. एचडीएफसी लिमिटेडच्या सर्व सेवा एचडीएफसी बँकेच्या शाखांमध्ये उपलब्ध होतील. म्हणजेच बँकिंग, कर्ज इत्यादी सेवा एकाच शाखेत उपलब्ध असतील. मुदत ठेव किंवा मुदत ठेवीवरील व्याज दर वेळोवेळी बदलत राहतील.  

सीएनजी आणि पीएनजीच्या किमतींमध्ये बदल

जुलैमध्ये सीएनजी (CNG) आणि पीएनजीच्या (PNG) किमती बदलू शकतात. मिळालेल्या माहितीनुसार कंपन्या दिल्ली आणि मुंबईमध्ये सीएनजी आणि पीएनजीच्या किमती बदलू शकतात.

आधार कार्ड आणि पॅन कार्ड लिंकिंग

आधार आणि पॅन कार्ड लिंकिंग (Pan Aadhar Link) 30 जूनच्या आत करावे लागेल. तसे न केल्यास 1 जुलैपासून पॅन कार्ड निष्क्रिय केले जाईल. त्यानंतर पॅन कार्ड आधारशी लिंक करून सक्रिय करावे लागेल. अशा स्थितीत ग्राहकाला दंड म्हणून 1000 रुपये भरावे लागतील. 

जुलैमध्ये 15 दिवस बँका बंद 

रिझर्व्ह बँक ऑफ इंडिया (RBI) जुलै 2023 बँक सुट्टयांची यादी प्रसिद्ध आहे. त्यानुसार जुलै 2023 मध्ये एकूण 15 दिवस बँका बंद राहतील. पुढील महिन्यात, साप्ताहिक सुट्ट्या आणि विविध सणांमुळे बँकना सुट्या म्हणून १५ दिवस असतील. बँकिंगशी संबंधित काही महत्त्वाचे काम लवकरात लवकर करा. 

वाचा: आठवड्याचा शेवटही पावसानं; पुढील 5 दिवस राज्यात मुसळधार

डेबिट किंवा क्रेडिट कार्ड व्यवहारांवर 20% TCS 

1 जुलैपासून टॅक्स कलेक्टेड अॅट सोर्स (TCS) नियमांमध्ये बदल केले जात आहेत. तुम्ही तुमच्या क्रेडिट कार्डने परदेशात व्यवहार केल्यास तुम्हाला 20 टक्के टीसीएस भरावा लागेल. सरकारने महिन्याभरात टीसीएसचे नियम बदलले असते. नवीन नियमांनुसार, आंतरराष्ट्रीय डेबिट किंवा क्रेडिट कार्डांना एका आर्थिक वर्षात 7 लाखांपर्यंतच्या छोट्या पेमेंटसाठी 20 टक्के TCS नियमातून सूट दिली जाईल.

ITR भरण्याची अंतिम तारीख 31 जुलै 

इन्कम टॅक्स रिटर्न (Income Tax Return Filing) भरण्याची शेवटची तारीख 31 जुलै असून करदात्यांना दरवर्षी आयटीआर भरावा लागतो. अशा परिस्थितीत, जर तुम्ही अद्याप आयआरटी दाखल केली नसेल, तर ती वेळेत दाखल करा. 31 जुलैपर्यंत IRT दाखल न केल्यास, अशा परिस्थितीत तुमच्यावर दंड आकारला जाऊ शकतो.