मोठी बातमी ! किमान पगारमर्यादा 15 हजारावरून 21 हजार करण्याचा सरकारचा विचार

मुंबई : EPS Latest News: नोकरदारांसाठी आनंदाची बातमी. कर्मचारी भविष्य निर्वाह निधी संघटना (EPFO) अंतर्गत वेतन मर्यादा वाढवण्याचा प्रस्ताव एका उच्चस्तरीय समितीने दिला आहे. पगार मर्यादा सध्याच्या 15,000 रुपयांवरून 21,000 रुपये प्रति महिना करण्यात यावी, असे समितीने म्हटले आहे. त्यावर सरकार विचार करत असून मागील तारखेपासून त्याची अंमलबजावणी होऊ शकते, असे समितीचे म्हणणे आहे.

लाभ कोणाला मिळणार?

हा प्रस्ताव अंमलात आणल्यास सुमारे 7.5 लाख अतिरिक्त कर्मचाऱ्यांना फायदा होईल. 2014 मध्ये शेवटच्या दुरुस्तीनुसार वेतन वाढीसाठी समायोजित केले जातील.

आता EPS चे नियम काय आहेत?

जेव्हा आपण नोकरी सुरू करतो, त्याच वेळी आपण EPS चे सदस्य देखील होतो. कर्मचारी त्याच्या पगाराच्या 12% EPF मध्ये देतो, तेवढीच रक्कम त्याची कंपनी देखील देते. पण त्यातील 8.33 टक्के हिस्सा EPS मध्ये जातो. 
वर नमूद केल्याप्रमाणे, सध्या कमाल पेन्शनपात्र पगार केवळ 15 हजार रुपये आहे, म्हणजे दरमहा पेन्शनचा वाटा जास्तीत जास्त (15,000 पैकी 8.33%) रुपये 1250 आहे.

कर्मचारी निवृत्त झाल्यावरही, पेन्शनची गणना करण्यासाठी जास्तीत जास्त पगार 15 हजार रुपये मानला जातो, त्यानुसार, एखाद्या कर्मचाऱ्याला EPS अंतर्गत जास्तीत जास्त पेन्शन  7,500 रुपये मिळू शकते.

जर तुम्ही 1 सप्टेंबर 2014 पूर्वी EPS मध्ये योगदान देणे सुरू केले असेल, तर तुमच्यासाठी पेन्शन योगदानासाठी मासिक वेतनाची कमाल मर्यादा रु. 6500 असेल.

 जर तुम्ही 1 सप्टेंबर 2014 नंतर EPS मध्ये सामील झाला असाल तर कमाल वेतन मर्यादा 15,000 असेल.